రజనీ 'దర్బార్​' చిత్రీకరణ షురూ..

సూపర్​స్టార్​ రజనీకాంత్​ 167వ చిత్రం 'దర్బార్'​ జోరందుకుంది. మంగళవారం తొలిరూపు విడుదల చేసిన  చిత్రబృందం నేడు ప్రారంభోత్సవ  పూజ జరుపుకుంది.

తమిళ సూపర్‌స్టార్‌ రజనీకాంత్‌, నయనతార నటిస్తోన్న చిత్రం దర్బార్​. ఏఆర్‌ మురుగదాస్‌ దర్శకుడు. ఈ సినిమా చిత్రీకరణ ముంబయిలో ఘనంగా ప్రారంభమయింది. చిత్ర పూజా కార్యక్రమంలో తలైవా, మురుగదాస్​ హాజరయ్యారు. సినిమా కోసం భారీ సెట్ ఏర్పాటు చేశారు. 30 రోజుల పాటు తొలి షెడ్యూల్‌ను చిత్రీకరించనున్నారు. 2020 సంక్రాంతి కానుకగా సినిమాను ప్రేక్షకుల ముందుకు తీసుకురానుంది.

1. ఇందులో రజనీకాంత్‌ పోలీస్‌ ఆఫీసర్‌గా నటించనున్నారు. రజనీకాంత్, మురుగదాస్ కాంబినేషన్‌లో వస్తున్న మొదటి చిత్రం కావడంతో భారీగా అంచనాలున్నాయి.
2. ఎస్​జే సూర్య కీలకపాత్రలో నటించనున్నట్లు తెలుస్తోంది. అనిరుధ్​ బాణీలు సమకూర్చగా... లైకా ప్రొడక్షన్స్​ బ్యానర్​పై నిర్మాణం జరుగుతోంది.