RRR campaign schedule: దర్శకుడు రాజమౌళి ప్రతిష్ఠాత్మకంగా తెరకెక్కించిన చిత్రం 'ఆర్ఆర్ఆర్'. దీని విడుదల తేదీ దగ్గరపడుతున్న కొద్దీ చిత్రబృందం ప్రమోషన్స్ వేగం పెంచుతోంది. కొంచెం కూడా ఖాళీ లేకుండా బిజీగా గడుపుతోంది. ప్రత్యేక ఇంటర్వ్యూలు, చిట్చాట్లు అంటూ దేశమంతటా తిరుగుతోంది. ఈ క్రమంలోనే మరోసారి ఆర్ఆర్ఆర్ ప్రచారాన్ని మరింత విస్తృతంగా నిర్వహించేందుకు దర్శకుడు రాజమౌళి ప్రణాళిక సిద్ధం చేశారు రాబోయే ఆరు రోజులను కీలకంగా తీసుకున్నారు. 'మారాథాన్ ప్రమోషనల్ క్యాంపైన్' చేయనున్నారు. రేపటి(మార్చి 18) నుంచి వరుసగా తొమ్మిది నగరాల్లో మూవీటీం ప్రచారం నిర్వహించనుంది. దానికి సంబంధించిన షెడ్యూల్ను ఓ ప్రత్యేక వీడియో ద్వారా షేర్ చేసింది.
హైదరాబాద్(మార్చి 18), దుబాయ్(మార్చి 18), బెంగళూరు(మార్చి 19), బరోడా(మార్చి 20), దిల్లీ(మార్చి 20), అమృతసర్(మార్చి 21), జైపుర్(మార్చి 21), కోల్కతా(మార్చి 22), వారాణాసి(మార్చి 22) మళ్లీ తిరిగి హైదరాబాద్లో( మార్చి 23) ప్రత్యేక ఈవెంట్లను నిర్వహించి అభిమానులను ఉత్సాహపరచనున్నారు.. ఈ షెడ్యూల్లోనే ప్రీ రిలీజ్ ఈవెంట్ను కూడా భారీగా ప్లాన్ చేసింది. మార్చి 19న బెంగళూరులోని చిక్కబళ్లాపురలో గ్రాండ్గా నిర్వహించనున్నట్లు తెలిపింది.