'ఆర్​ఆర్​ఆర్' ప్రభంజనం.. మూడు రోజుల్లోనే రూ.500కోట్ల క్లబ్​లో..

RRR movie 500crores collections: ఎన్టీఆర్​, రామ్​చరణ్​ నటించిన 'ఆర్​ఆర్​ఆర్'​ సినిమా సరికొత్త రికార్డు సృష్టించింది. విడుదలైన మూడు రోజుల్లోనే ప్రపంచవ్యాప్తంగా రూ.500కోట్లు వసూళ్లను సాధించింది.

RRR movie 500crores collections: రాజమౌళి దర్శకత్వంలో రామ్‌చరణ్, ఎన్టీఆర్ ప్రధాన పాత్రల్లో వచ్చిన సినిమా 'ఆర్​ఆర్​ఆర్​'. మార్చి 25న విడుదలైన ఈ చిత్రం బాక్సాఫీస్​ వద్ద కలెక్షన్ల సునామీ సృష్టిస్తోంది. తొలి రోజే రూ.223కోట్లు సాధించి 'బాహుబలి' రికార్డులను అధిగమించిన ఈ మూవీ మూడు రోజులు పూర్తయ్యేసరికి సరికొత్త బెంచ్​మార్క్​ను సెట్​ చేసింది. ప్రపంచవ్యాప్తంగా రూ.500కోట్ల వసూళ్లను సాధించింది. ఈ విషయాన్ని సినీవిశ్లేషకుడు తరణ్​ ఆదర్శ్ సోషల్​మీడియా ద్వారా తెలిపారు.

యాక్షన్‌, ఎమోషనల్‌ డ్రామాగా రూపొందిన 'ఆర్‌ఆర్‌ఆర్‌'లో అల్లూరి సీతరామరాజుగా రామ్‌చరణ్‌, కొమురం భీమ్​గా తారక్‌ నటించారు. సుమారు రూ.450 కోట్ల భారీ బడ్జెట్‌తో రూపుదిద్దుకున్న ఈ చిత్రాన్ని డీవీవీ ఎంటర్‌టైన్‌మెంట్స్‌ పతాకంపై దానయ్య నిర్మించారు. కీరవాణి స్వరాలు అందించారు. ఆలియాభట్‌ , ఒలీవియా మోరీస్‌ కథానాయికలు. శ్రియ, సముద్రఖని, అజయ్‌ దేవ్‌గణ్‌ కీలకపాత్రల్లో కనిపించారు.

ఇదీ చూడండి: Ram Gopal Varma on RRR: 'ఆర్‌ఆర్‌ఆర్‌'పై వర్మ షాకింగ్ కామెంట్స్​