రాజమౌళి చిత్రాల్ని విమర్శించేది వాళ్లేనట..!

దర్శకధీరుడు రాజమౌళి ఓ సన్నివేశాన్ని తీసేటపుడు ఒకటికి రెండు సార్లు ఆలోచించి తీస్తాడట. ఆ సన్నివేశం బాగా రాకపోతే వాళ్లు ఏం అనుకుంటారో అన్న భయమే ఇందుకు కారణం. వారెవరో మీరూ తెలుసుకోండి.

ప్రముఖ దర్శకుడు ఎస్‌.ఎస్‌. రాజమౌళి సినిమా అంటే విమర్శలకు చోటుండదు. ఈ డైరెక్టర్ చిత్రాల్లో తప్పులు పట్టుకోవాలంటే కొంచెం కష్టమైన పనే. అయితే రాజమౌళి తెరకెక్కించిన సన్నివేశాలు చూసి అలా తీశాడు, ఇలా తీశాడు అని నవ్వుకునే వాళ్లూ ఉన్నారు. అందుకే ఆయన ప్రతి సన్నివేశం ఒకటికి రెండు సార్లు ఆలోచించి చిత్రీకరిస్తాడట. అది పూర్తైన తర్వాత వాళ్లు ఏం అంటారో అనే భయమూ ఉంటుందట రాజమౌళికి.

ఇంతకీ అంత ధైర్యం ఎవరికి ఉంది అనుకుంటున్నారా? ఇంకెవరో కాదు రాజమౌళి పిల్లలు, సోదరుడు కీరవాణి పిల్లలు. ఇది సరదా కోసం మాత్రమే. రాజమౌళి కుటుంబ సభ్యులతో ఎంత సరదాగా ఉంటాడో తెలిసిందే. వాళ్లు ఈ దర్శకుడి చిత్రాల్ని విమర్శించడం వెనుక కారణం కూడా ఇదే. రాజమౌళి తీసిన సినిమాల్లోని కొన్ని పాత్రల్ని పరిశీలించి, ఆయన ఇంట్లో ఉన్నప్పుడు వాటి గురించి చర్చిస్తుంటారట. ఇందుకేనేమో జక్కన్న సినిమాలు అలా ఉంటాయి.

ఇవీ చూడండి.. సింగిలు సింగిలు.. కొట్టాల్సిందే విజిలు