anubhavinchu raja movie rajtarun: ప్రముఖ నిర్మాణ సంస్థ అన్నపూర్ణ స్టూడియోస్‌ బ్యానర్‌పై తెరకెక్కిన 'ఉయ్యాలా జంపాలా'(rajtarun uyyalajampala movie) చిత్రంతో కథానాయకుడిగా ఎంట్రీ ఇచ్చి.. మొదటి ప్రయత్నంలోనే సూపర్ హిట్‌ అందుకున్న యువ నటుడు రాజ్ తరుణ్. కెరీర్‌లో ఎత్తుపల్లాలు చవిచూస్తోన్న ఆయన ఇప్పుడు మరోసారి అదే బ్యానర్‌పై హిట్‌ అందుకునేందుకు సిద్ధమయ్యారు. ఆయన హీరోగా నటించిన చిత్రం 'అనుభవించు రాజా'. అన్నపూర్ణ స్టూడియోస్‌ బ్యానర్‌పై సుప్రియ నిర్మించిన ఈ చిత్రం నవంబర్‌ 26న ప్రేక్షకుల ముందుకు రానుంది(anubhavinchu raja release date). ఈనేపథ్యంలో రాజ్ తరుణ్ తాజాగా విలేకర్ల సమావేశంలో పాల్గొన్నారు. ఆ విశేషాలివే..!
నా సినిమాలు ఎక్కువగా అక్కడే జరిగాయి
సినిమా కథ విన్నప్పుడు నాకెంతో నచ్చింది. సినిమా చేయాలని అనుకున్నాను. ఫైనల్‌ అవుట్‌పుట్‌ కూడా చూశాను. సినిమా నాకు బాగా నచ్చింది. చాలారోజుల గ్యాప్‌ తర్వాత ఇలాంటి సరదా క్యారెక్టర్‌ చేస్తున్నాను. సినిమా షూటింగ్‌ ఎక్కువ భాగం భీమవరంలోనే జరిగింది. నిజం చెప్పాలంటే నా సినిమాల షూటింగ్స్‌ ఆ ప్రాంతంలోనే జరిగాయి. దాంతో ఆ ప్రాంతంతో నాకు మంచి అనుబంధం ఉంది. అక్కడ ప్రజలు నాకు బాగా పరిచయమయ్యారు.
రియల్‌లైఫ్‌తో సంబంధం లేదు
ఈ సినిమాలో నా పాత్ర పేరు బంగారం. సరదాలకు అలవాటు పడిన వ్యక్తి. కోడి పందేలు వేస్తుంటాడు. డబ్బులు దుబారా చేస్తుంటాడు. నిజం చెప్పాలంటే రియల్‌ లైఫ్‌లో నాకు బెట్టింగ్‌, గ్యాంబ్లింగ్‌ అంటే అస్సలు ఇష్టం ఉండదు. సంక్రాంతి టైమ్‌లో ఊర్లో కోడిపందెలు చూసేవాడిని అంతే. సినిమాలోని పాత్రకు నా రియల్‌లైఫ్‌కు ఎలాంటి సంబంధం ఉండదు"
సెక్యూరిటీ గార్డ్‌ అంత ఈజీ కాదు
ఈ సినిమాలోని కొన్ని సన్నివేశాల్లో నేను సెక్యూరిటీ గార్డ్‌గా కనిపిస్తాను. సాధారణంగా మనం సెక్యూరిటీ గార్డ్‌ అంటే చులకనగా చూస్తుంటాం. కానీ సెక్యూరిటీ గార్డ్‌ కావడం కూడా అంత సులభం కాదు. వాళ్లక్కూడా ఫిజికల్‌ టెస్టుతో పాటు శిక్షణ ఉంటుంది. సెక్యూరిటీ గార్డ్‌గా పనిచేయడం కూడా అంత సులభమైన విషయం కాదని సినిమా షూట్‌లో అర్థమైంది.
కథ ఎప్పుడో విన్నా.. కానీ
శ్రీను గవిరెడ్డితో నాకు ఎన్నో సంవత్సరాల నుంచి అనుబంధం ఉంది(anubhavinchu raja movi director). గడిచిన తొమ్మిదేళ్ల నుంచి మేమిద్దరం మంచి స్నేహితులం. వారంలో రెండు సార్లైనా మేమిద్దరం తప్పకుండా కలుస్తాం. సరదాగా మాట్లాడుకుంటాం. మా ఇద్దరి కాంబోలో వచ్చిన 'సీతమ్మ అందాలు రామయ్య సిత్రాలు' ఫ్లాప్‌ అయ్యింది. 'అనుభవించు రాజా' కథ గురించి తను నాతో ఎన్నో సార్లు చెప్పాడు. స్క్రిప్ట్‌ డెవలప్‌మెంట్‌లో ఉన్నప్పుడే నాకు ఈ కథ తెలుసు. కానీ ఈ సినిమాలో ఎవరు చేస్తారో తెలీదు. అలాంటి టైమ్‌లో శ్రీను ఓసారి అన్నపూర్ణ స్టూడియోస్‌కి వెళ్లి.. కథ చెప్పగా.. నాగార్జున, సుప్రియలకు బాగా నచ్చింది. వెంటనే వాళ్లు హీరో రాజ్ తరుణ్ అయితే ఈ కథకు సెట్‌ అవుతారని భావించి నన్నూ ఇందులో భాగం చేశారు.
ఒకరిపై నిందలు వేయకూడదు