ప్రపంచవ్యాప్తంగా సినీ అభిమానులు ఎంతగానో ఎదురుచూస్తున్న చిత్రం అవెంజర్స్ ఎండ్ గేమ్. ఈ సినిమాపై భారీ అంచనాలు ఉన్నాయి. ఈ మూవీలో మార్వెల్ యాంథమ్ను ప్రముఖ సంగీత దర్శకుడు ఏఆర్ రెహమాన్ రూపొందించారు. ఇందులో రెహమాన్ మార్వెల్ సూపర్‌ హీరోల సాహసం గురించి పాడుతూ కనిపించారు. "ప్రపంచం రేపటితో అంతం అయిపోవచ్చు.. కానీ వారసత్వం ఎప్పటికీ జీవంతో ఉంటుందని" సాగే ఈ పాట అభిమానుల్ని ఆకట్టుకుంటోంది.
'మార్వెల్ యాంథమ్'తో అదరగొట్టిన రెహమాన్
హాలీవుడ్ చిత్రం 'అవెంజర్స్ ఎండ్ గేమ్' కోసం ఏఆర్ రెహమాన్ ఓ పాట రూపొందించారు. మార్వెల్ యాంథమ్గా ఈ సాంగ్ను విడుదల చేసింది చిత్రబృందం.
ఏఆర్ రెహమాన్
మార్వెల్ స్టూడియోస్ నిర్మిస్తున్న 'అవెంజర్స్ ఎండ్ గేమ్' చిత్రానికి ఆంటోని రసో, జోయ్ రసో సంయుక్తంగా దర్శకత్వం వహించారు. గత ఏడాది వచ్చిన అవెంజర్స్ ఇన్ఫినిటీ వార్కు సీక్వెల్గా తెరకెక్కిందీ చిత్రం. రాబర్ట్ డౌనీ జూనియర్, క్రిస్ ఇవాన్స్, మార్క్ రఫోలో, క్రిస్ హేమ్స్వర్త్, స్కార్లెట్ జాన్సన్, జెర్మీ రెన్నర్, పాల్ రూడ్ లాంటి భారీ తారాగణం ఈ సినిమాలో నటించారు.
ఇవీ చూడండి..డ్యాన్స్తో కుర్రకారు మతిపోగొట్టిన కియారా