'రాధే' నుంచి 'దిల్​ దే దియా' సాంగ్ రిలీజ్

సల్మాన్ ఖాన్​ హీరోగా నటిస్తోన్న 'రాధే' చిత్రం నుంచి 'దిల్​ దే దియా' సాంగ్​ను రిలీజ్ చేశారు. ఇందులో జాక్వెలిన్, సల్మాన్ స్టెప్పులు అలరిస్తున్నాయి.

సల్మాన్‌ఖాన్‌, దిశాపటానీ జంటగా నటించిన యాక్షన్‌ ఎంటర్‌టైనర్‌ 'రాధే'. ప్రభుదేవా దర్శకత్వం వహించిన ఈ చిత్రం త్వరలో ప్రేక్షకుల ముందుకు రానుంది. ఈ నేపథ్యంలో ఇటీవల ఈ సినిమా నుంచి 'సీటీమార్‌' వీడియో సాంగ్‌ను చిత్రబృందం విడుదల చేసింది. తాజాగా మరో పాటను రిలీజ్ చేశారు. 'దిల్​ దే దియా' అంటూ సాగే ఐటమ్​ సాంగ్ ఆకట్టుకుంటోంది. ఇందులో సల్మాన్, జాక్వెలిన్ ఫెర్నాండేజ్ స్టెప్పులు అలరిస్తున్నాయి.

కరోనా కారణంగా ఈ చిత్రాన్ని థియేటర్లతో పాటు నేరుగా ఓటీటీలోనూ విడుదల చేయనున్నారు. పే పర్ వ్యూ పద్ధతిలో ప్రముఖ ఓటీటీ సంస్థ జీ ఫ్లెక్స్​లో ఈ మూవీని చూడాలంటే రూ.249తో కొనుగోలు చేయాల్సి ఉంటుంది.