ఒక్క ఫైట్ కూడా లేని 'రాధేశ్యామ్'.. అందరినీ అలరిస్తుందా?

Radhe Shyam Release Date: పాన్​ ఇండియా స్టార్ ప్రభాస్ విలన్​లను చితక్కొడుతుంటే చూస్తూ విజిల్స్ వేయకుండా ఉంటామా చెప్పండి. 'యోగి' సినిమాలో విలన్​ను ఒక్క గుద్దుకే చంపిన మన డార్లింగ్​.. కెరీర్​లోనే తొలిసారిగా ఒక్కఫైట్​ కూడా లేకుండా చేసిన సినిమానే 'రాధేశ్యామ్​'. అవుట్ అండ్ అవుట్ ప్యూర్ లవ్​స్టోరీగా తెరకెక్కిన ఈ సినిమా ప్రపంచవ్యాప్తంగా మార్చి 11న ప్రేక్షకుల ముందుకు రానుంది. మరి డార్లింగ్ అటు ప్రేక్షకులతో పాటు మాస్​ ఆడియెన్స్​ను ఏ మేరకు మెప్పిస్తారో చూడాలి..

Radhe Shyam Release Date: అర్జునుడి లాంటి రూపం, భీముడి లాంటి బలం, అభిమన్యుడి లాంటి పౌరుషం, రాముడి లాంటి గుణం, కృష్ణుడి లాంటి సమ్మోహనం.. ఆ పిల్లవాడి పేరే 'ప్రభాస్​'. ఇవి నేను అన్న మాటలు కాదండి బాబు.. 'బాహుబలి-1' ఆడియో ఫంక్షన్​లో సినీ రచయిత విజయేంద్రపసాద్ అన్నవి. ప్రభాస్​ కట్​ అవుట్​ను వివరించాలంటే ఇంత కన్నా ఎక్కువ మాటలు కావాలా చెప్పండి..

.

బాహుబలి, సాహో లాంటి యాక్షన్ మూవీస్​తో ఇండియాలోనే బిగ్గెస్ట్​ స్టార్​గా మారిన ప్రభాస్ ఫస్ట్​ టైం ఒక్క ఫైట్​ కూడా లేకుండా చేస్తున్న అవుట్​ అండ్ అవుట్​ లవ్​స్టోరీ 'రాధేశ్యామ్'​. ఈ సినిమాలో​ ప్రత్యేకంగా విలన్​లు కానీ ఫైట్స్​ కానీ లేవని.. 'లవ్ అండ్ డెస్టినీ' మధ్యే పెద్ద యుద్ధం అని డైరెక్టర్​ రాధాకృష్ణ ఇదివరకే చెప్పారు.

.

మరి ఈ రేంజ్ బడ్జెట్​ పెట్టి ఎలాంటి ఫైట్స్ లేకుండా తీసిన ఎక్స్​పెరిమెంటల్ సినిమా ఇదే అని చెప్పొచ్చు. ప్రభాస్ లాంటి సాలిడ్ కట్​ అవుట్ ఉండి కూడా కథ, విజువల్స్ ప్రాధాన్యంగా సినిమాను తీయడం ఓ సాహసమే చెప్పాలి. మరి ఈ చిత్ర యాక్షన్ డైరెక్టర్ నిక్ పౌల్ చెప్పినట్లుగా.. క్లైమాక్స్, షిప్ ఎపిసోడ్​లు ఆడియన్స్​ను మెస్మరైజ్ చేస్తే ఇక రాధేశ్యామ్​కు తిరుగులేదని చెప్పొచ్చు.

.

మరి సిక్స్​ ఫీట్ బాహుబలి.. దాదాపు 12 ఏళ్ల తర్వాత చేస్తున్న ప్రేమకథ అటు ఫ్యాన్స్​తోపాటు మాస్ ప్రేక్షకులను ఎంతవరకు మెప్పిస్తుందో చూడాలి.

యూఎస్​ గ్రాండ్ రిలీజ్..

Radhe Shyam USA Release: ఇక ఈ చిత్రం అమెరికాలో గ్రాండ్​గా రిలీజ్​ కానుంది. మార్చి 10న రికార్డు స్థాయిలో ప్రీమియర్​ షోలు ప్రదర్శన కానున్నాయి. 1,116 లోకేషన్లలో 11,116 షోలు వేయనున్నారు. అడ్వాన్స్​ బుకింగ్స్​ కూడా రికార్డు స్థాయిలో అవుతున్నట్లు తెలిసింది. రొమాంటిక్ లవ్​స్టోరీగా తెరకెక్కిన ఈ సినిమాలో ప్రభాస్​ విక్రమాధిత్యగా, పూజాహెగ్డే ప్రేరణగా అలరించనున్నారు.

.

దర్శకధీరుడు రాజమౌళి ఈ సినిమాకు వాయిస్ ఓవర్​​ ఇచ్చారు. కృష్ణంరాజు కీలకపాత్ర పోషించారు. జస్టిన్ ప్రభాకరన్ పాటలు స్వరపరచగా, తమన్ బ్యాక్​గ్రౌండ్​ మ్యూజిక్ అందించారు. రాధాకృష్ణ కుమార్ దర్శకత్వం వహించారు. యూవీ క్రియేషన్స్- గోపీకృష్ణ మూవీస్ సంయుక్తంగా నిర్మించాయి.

ఇవీ చూడండి:రాధేశ్యామ్ 'ఇండియన్​ టైటానిక్' అవుతుందా..?