Radhe shyam stills: సంక్రాంతికి రావాల్సిన ప్రభాస్ 'రాధేశ్యామ్'.. ఇప్పటికే వాయిదా పడింది. అయితే సినిమా చూడలేకపోతున్నాం అని అనుకునే ఫ్యాన్స్ను కాస్త సంతోషపరిచేందుకు కొత్త స్టిల్స్ను ట్వీట్ చేశారు దర్శకుడు రాధాకృష్ణ కుమార్. ఇందులో స్మార్ట్గా కనిపిస్తున్న ప్రభాస్.. సినిమాపై అంచనాల్ని పెంచుతున్నారు.
1970ల నాటి ప్రేమకథతో తీసిన ఈ సినిమాలో ప్రభాస్, పాలమిస్ట్(హస్తరేఖా సాముద్రిక నిపుణుడు)గా నటించారు. పూజాహెగ్డే హీరోయిన్. కృష్ణంరాజు కీలకపాత్ర పోషించారు. ఈ సినిమాకు దక్షిణాదిలో జస్టిన్ ప్రభాకరన్ సంగీతమందించగా, తమన్ బ్యాక్గ్రౌండ్ మ్యూజిక్ ఇచ్చారు. రాధాకృష్ణకుమార్ దర్శకత్వం వహించారు. యూవీ క్రియేషన్స్, గోపీకృష్ణ మూవీస్ సంయుక్తంగా నిర్మించాయి
Hero trailer: 'హీరో' సినిమా ట్రైలర్ రిలీజైంది. ప్రముఖ దర్శకుడు రాజమౌళి.. దీనిని విడుదల చేశారు. ఆద్యంతం ఎంటర్టైనింగ్ ఉన్న ఈ ప్రచార చిత్రం.. సినిమాపై అంచనాల్ని పెంచుతుంది.
హీరో కావాలనుకునే వ్యక్తి ఎలాంటి ఇబ్బందులు ఎదుర్కొన్నాడు అనే కథతో ఈ సినిమాను తీస్తున్నట్లు తెలుస్తోంది. ఈ సినిమాతో గల్లా అశోక్ హీరోగా పరిచయమవుతున్నారు. నిధి అగర్వాల్ హీరోయిన్. జిబ్రాన్ సంగీతమందించారు. శ్రీరామ్ ఆదిత్య దర్శకత్వం వహించారు. జనవరి 15న ఈ సినిమా థియేటర్లలోకి రానుంది.