'రాధేశ్యామ్​' షూటింగ్ షురూ.. ఆ రోజే రిలీజ్!

యంగ్ రెబల్​ స్టార్ ప్రభాస్ హీరోగా నటిస్తున్న' రాధేశ్యామ్​' చిత్రం షూటింగ్ శుక్రవారం( జూన్ 25) పున: ప్రారంభమైంది. చిత్రీకరణలో భాగంగా మిగిలిన ఓ డ్యూయెట్, కొన్ని కీలక సన్నివేశాలను ఈ షెడ్యూల్లో పూర్తిచేయనున్నారు.

అగ్రకథానాయకుడు ప్రభాస్ నటిస్తున్న వింటేజ్ ప్రేమకథ 'రాధేశ్యామ్​' చిత్ర షూటింగ్ శుక్రవారం నుంచి పున: ప్రారంభమైంది. ఈ షెడ్యూల్​లో ఓ డ్యూయెట్ సాంగ్​, కీలక సన్నివేశాలను చిత్రీకరించి.. దసరా పండగ సందర్భంగా అక్టోబర్​లో చిత్రాన్ని ప్రేక్షకుల ముందుకు తీసుకురావాలని నిర్మాతలు భావిస్తున్నారు.

జులై 30న ఈ చిత్రాన్ని విడుదల చేయాలని భావించినా.. కరోనా కారణంగా చిత్రీకరణ వాయిదా పడింది. ఈ చిత్రంలో పూజాహెగ్డే కథానాయిక. యూవీ క్రియేషన్స్ సంస్థ ఈ చిత్రాన్ని నిర్మిస్తోంది.

రాధేశ్యామ్​ చిత్రంలో ప్రభాస్​, పూజాహెగ్డే

'బాహుబలి' సిరీస్​తో ప్రపంచవ్యాప్తంగా అభిమానులను సంపాదించిన ప్రభాస్​.. భారీ బడ్జెట్​ చిత్రం 'సాహో'లో యాక్షన్​ అభిమానులను అలరించారు. ప్రస్తుతం 'రాధేశ్యామ్' చిత్రంతో పాటు 'సలార్',​ 'ఆదిపురుష్'​, నాగ్ అశ్విన్ దర్శకత్వంలో మరో చిత్రం చేస్తున్నారు.

ఇదీ చదవండి:కరోనాపై పోరులో 'రాధేశ్యామ్' నిర్మాతల సంచలన నిర్ణయం!