అగ్రకథానాయిక నయనతార గురించి కోలీవుడ్‌ డబ్బింగ్‌ యూనియన్‌ ఆర్టిస్ట్‌ ప్రెసిడెంట్‌, భాజపా నాయకుడు రాధారవి తీవ్ర వ్యాఖ్యలు చేశారు. గతంలో డీఎంకే పార్టీ కోసం పనిచేసిన రాధారవి.. కొన్ని అనివార్య కారణాల వల్ల ఆ పార్టీ నుంచి బయటకు వచ్చేసి భాజపాలో చేరారు. ఈ క్రమంలోనే ఆయన భాజపా-ఏఐఏడీఎంకే పొత్తు తరఫున తమిళనాడు అసెంబ్లీ ఎన్నికల ప్రచారంలో పాల్గొన్నారు. ప్రచార వేదికపై మాట్లాడుతూ నయనతార గురించి ఆయన సంచలన వ్యాఖ్యలు చేశారు.
హీరోయిన్ నయనతారపై రాధారవి అనుచిత వ్యాఖ్యలు - మూవీ న్యూస్ లేటేస్ట్
ఎన్నికల ప్రచారంలో పాల్గొన్న నటుడు, నాయకుడు రాధారవి.. హీరోయిన్ నయనతారపై అనుచిత వ్యాఖ్యలు చేశారు. దీనిపట్ల పలువురు నెటిజన్లు ఆగ్రహం వ్యక్తం చేస్తున్నారు.
హీరోయిన్ నయనతారపై రాధారవి అనుచిత వ్యాఖ్యలు
"డీఎంకే పార్టీకి నయనతార ఏమవుతుంది? ఆమె ఏమైనా ఆ పార్టీకి పీఆర్‌వోనా(ప్రజా సంబంధాల అధికారి)? గతంలో ఓ సభలో ఆమె గురించి మాట్లాడినందుకు ఆ పార్టీ నుంచి నన్ను తొలగించాలని కొంతమంది పెద్దలు చూశారు. తొలగింపు ఆదేశాలు వాళ్లు నాకు పంపించేలోపే నేనే ఆ పార్టీకి శాశ్వతంగా రాజీనామా చేశా. ఒకవేళ ఆమె కనుక ఉదయనిధి స్టాలిన్‌తో రిలేషన్‌షిప్‌లో ఉంటే నేను మాత్రం ఏం చేస్తాను?" అని రాధారవి వ్యాఖ్యానించారు. ప్రస్తుతం ఈ వీడియో వైరల్‌గా మారింది. ఆయన చేసిన వ్యాఖ్యల పట్ల పలువురు నెటిజన్లు ఆగ్రహం వ్యక్తం చేశారు. మరోవైపు, గతంలోనూ రాధారవి ఓ సినిమా వేడుకలో నయన్‌ గురించి అసభ్యంగా మాట్లాడారు. ఆ సమయంలోనే ఆయన డీఎంకే పార్టీకి రాజీనామా చేశారు.