జ్యోతిక నటిస్తున్న తమిళ చిత్రం ‘రాచ్చసి’. ప్రధానోపాధ్యాయురాలి పాత్రలో ఆమె కనిపించనుంది. ట్రైలర్‌ ఆకట్టుకునేలా ఉంది. గౌతమ్‌ రాజ్‌ దర్శకత్వం వహించాడు. ఎస్‌.ఆర్‌.ప్రభు, ఎస్‌.ఆర్‌.ప్రకాష్‌బాబు నిర్మాతలు. ఈ నెలలోనే చిత్రం ప్రేక్షకుల ముందుకు రానుంది.
విద్యార్థులు, తన తోటి టీచర్లతో కలిసి పాఠశాలలో గీతారాణి (జ్యోతిక) తీసుకొచ్చిన మార్పులేంటి అనే కథాంశంతో సినిమాను తెరకెక్కించారు. బయట నుంచి అడ్డంకులు సృష్టించిన రాజకీయ నాయకులతో ఎలా తలపడింది అనేది తెలియాలంటే చిత్రం విడుదల వరకు ఆగాల్సిందే. ఉపాధ్యాయురాలిగా జ్యోతిక వైవిధ్యంగా కనిపించింది.పూర్ణిమ భాగ్యరాజ్, హరీష్‌ పారెడి, సత్యన్‌ తదితరులు రాచ్చసిలోని ఇతర పాత్రల్లో నటిస్తున్నారు.