గ్రీన్ ఇండియా ఛాలెంజ్‌లో భాగంగా టాలీవుడ్‌ తారలు మొక్కలు నాటి.. మీరూ మొక్కలు నాటండి అని పిలుపునిస్తున్నారు. ఇటీవల యువ కథానాయిక రష్మిక మంధాన మొక్కలు నాటి రాశీ ఖన్నాకు ఛాలెంజ్ విసిరింది. దానిని స్వీకరించిన రాశి ఈ రోజు మొక్కలు నాటింది. దీనికి సంబంధించిన కొన్ని ఫొటోలను ట్వీట్‌ చేసింది. మరో ముగ్గురుని నామినేట్ కూడా చేసింది.
గ్రీన్ ఇండియా ఛాలెంజ్ స్వీకరించిన రాశీ ఖన్నా
హీరోయిన్ రష్మిక మంధాన విసిరిన గ్రీన్ ఇండియా ఛాలెంజ్ను స్వీకరించింది నటి రాశీ ఖన్నా. మొక్కలు నాటి మరో ముగ్గురిని నామినేట్ చేసింది.
గ్రీన్ ఇండియా ఛాలెంజ్ స్వీకరించిన రాశీ ఖన్నా
"నన్ను గ్రీన్ ఇండియా ఛాలెంజ్‌లో నామినేట్ చేసినందుకు రష్మికకు ధన్యవాదాలు. ఈ ట్వీట్‌ చదువుతున్న అందరూ మొక్కలు నాటండి. మీ స్నేహితులు, కుటుంబ సభ్యులు ఇందులో పాల్గొనేలా చేయండి. ఈ ఛాలెంజ్ను మరింత ముందుకు తీసుకెళ్లండి"’ అని రాశి కోరింది. ఈ హరిత సవాలులో పాల్గొనాల్సిందిగా ప్రముఖ కథానాయికలు రకుల్‌ప్రీత్‌ సింగ్‌, కాజల్‌ అగర్వాల్‌, తమన్నాను రాశి నామినేట్ చేసింది.