Pushpa songs: 'పుష్ప' త్వరలో రిలీజ్ కానుంది. అల్లు అర్జున్ గెటప్, సుకుమార్ డైరెక్షన్ కోసం ఈ సినిమాకు వెళ్లే వాళ్లు కొంతమందైతే.. సమంత 'స్పెషల్' సాంగ్ కోసం వెళ్లేవాళ్లు మరికొంతమంది. అంతలా ఫ్యాన్స్ను మత్తెక్కిస్తుంది ఈ సాంగ్. 'ఊ అంటవా..' అంటూ సినిమాపై తెగ క్రేజ్ పెంచుతోంది.
ఈ పాటకు చాలా ప్రత్యేకతలు!
ఇప్పటివరకు హీరోయిన్గా ఎన్నో సినిమాలు చేసిన సమంత తొలిసారి స్పెషల్ సాంగ్ చేస్తుందనగానే ప్రేక్షకుల్లో ఓ రకమైన ఎగ్జైట్మెంట్. ఎలా ఉంటుంది? ఎలాంటి స్టెప్పులు వేస్తుందా? అని. అయితే ఆ సందేహాలన్నీ పటాపంచాలు చేస్తూ 'ఊ అంటవా మామ.. ఊహు అంటవా' సాంగ్తో యూట్యూబ్లో సమంత దుమ్మరేపుతోంది.
Indravati chauhan songs: ఈ పాట పాడింది ఇంద్రావతి చౌహాన్. టాలీవుడ్లో ఇప్పటికే ఎన్నో పాటలు పాడిన మంగ్లీ అలియాస్ సత్యవతి చౌహాన్ చెల్లెలు ఈమె. గతంలో ఇంద్రావతి పాడిన ఓ పాటను ఎక్కడో విని ముగ్దుడైన దేవిశ్రీ ప్రసాద్.. 'పుష్ప' సినిమాలోని స్పెషల్ సాంగ్ ఈమెతోనే పాడించాలని ఫిక్యయ్యారు! అలా 'ఊ అంటవా మావ ఊహు అంటవా' సాంగ్ పాడించారు. ఇప్పుడు ఆ గీతం కాస్త యూట్యూబ్లో సెన్సేషన్ అయింది.
Samantha pushpa song: ఈ పాటలో సమంత-అల్లు అర్జున్ వేసిన స్టెప్పులు అయితే కేక పుట్టిస్తున్నాయి. ఇంద్రావతి వాయిస్కు తోడు బన్నీ ఒడిలో కూర్చుని సామ్ వేసిన స్టెప్ అయితే పూర్తి వీడియో సాంగ్ ఎప్పుడెప్పుడు వస్తుందా అని అనిపించేలా చేస్తోంది.
శేషాచలం ఎర్రచందనం స్మగ్లింగ్ నేపథ్య కథతో తీసిన ఈ సినిమాలో అల్లు అర్జున్ హీరోగా నటించారు. లారీ డ్రైవర్గా నుంచి డాన్గా ఎలా మారారు అనే విషయాన్ని 'పుష్ప' తొలి భాగంలో చూపించనున్నారు. రష్మిక హీరోయిన్. ఫహాద్ ఫాజిల్, సునీల్, అనసూయ తదితరులు కీలకపాత్రలు పోషించారు. సుకుమార్ దర్శకత్వం వహించారు. మైత్రీ మూవీ మేకర్స్ భారీ బడ్జెట్తో ఈ సినిమా నిర్మించింది. 'పుష్ప'.. డిసెంబరు 17న పాన్ ఇండియా రేంజ్లో రిలీజ్ కానుంది.
ఇవీ చదవండి:
