Pushpa deleted scene: అల్లు అర్జున్ 'పుష్ప' థియేటర్లలో ప్రేక్షకుల్ని అలరిస్తుంది. కలెక్షన్లలో సరికొత్త రికార్డులు సృష్టిస్తుంది. అలానే ఈ ఏడాది దేశంలోనే బిగ్గెస్ట్ గ్రాస్ సంపాదించిన సినిమాగానూ నిలిచింది. ఈ క్రమంలోనే సినిమాలోని ఓ డిలీటెడ్ సీన్ను చిత్రబృందం విడుదల చేసింది.
కుటుంబపోషణ నిమిత్తం అప్పు తీసుకున్న తన తల్లిపై రెడ్డప్ప అనే వ్యక్తి వీధిలో అందరి ముందు.. "భారతమ్మ ఎంతకాలం తప్పించుకుంటావ్‌ ఇట్టా. పోయిన గంగజాతరకు ఇస్తి. ఇప్పటిదాకా అసలు లేదు. వడ్డీ లేదు" అంటూ కేకలు వేయడంతో పుష్పరాజ్‌ అసహనానికి గురవుతాడు. దాంతో ఆ మరుసటి రోజు ఇంట్లో ఉన్న పశువులను అమ్మేసి రెడ్డప్పకు బాకీ చెల్లించేసిన పుష్పరాజ్‌.."నీ లెక్క సరిపోయింది సరే.. మరి నా లెక్క. మేము అప్పు తీసుకున్నామని ఊరంతా తెలిసింది. మరి, తిరిగి ఇచ్చేశామని ఊరంతా తెలియవద్దా" అని అతడిని కొట్టి ప్రతిఒక్క ఇంటికీ తీసుకువెళ్లి "పుష్పరాజ్‌ డబ్బులు తిరిగి ఇచ్చేశాడు" అని చెప్పిస్తాడు. ఈ వీడియోలో బన్నీ నటన, బాడీ లాంగ్వేజ్‌ అదిరిపోయేలా ఉందని, ఈ సీన్ ఎందుకు డిలీట్‌ చేశారో? అని నెటిజన్లు చర్చించుకుంటున్నారు.
Achrya song: 'ఆచార్య' సినిమాలోని పార్టీ సాంగ్ రిలీజ్కు టైమ్ ఫిక్సయింది. 'సానా కష్టం' అంటూ సాగే లిరికల్ వీడియోను జనవరి 3న సాయంత్రం 4:05 గంటలకు విడుదల చేయనున్నట్లు వెల్లడించారు. ఈ పాటలో చిరుతో కలిసి రెజీనా స్టెప్పులు వేయనుంది.
మెగాస్టార్ చిరంజీవి-రామ్చరణ్ ప్రధాన పాత్రల్లో నటించిన ఈ సినిమా.. ఫిబ్రవరి 4న థియేటర్లలోకి రానుంది. కాజల్, పూజాహెగ్డే హీరోయిన్లుగా నటించారు. మణిశర్మ సంగీతమందించారు. కొరటాల శివ దర్శకుడు. మ్యాట్నీ ఎంటర్టైన్మెంట్స్, కొణిదెల ప్రొడక్షన్స్ సంయుక్తంగా నిర్మించాయి.