పవర్​స్టార్​ 'ద్వైత్వ'.. 'మాలిక్​' ఓటీటీ రిలీజ్​

కొత్త సినిమా కబుర్లు వచ్చేశాయి. ఫహాద్​ ఫాజిల్​ 'మాలిక్'​ ఓటీటీ రిలీజ్​తో పాటు పునీత్​ రాజ్​కుమార్​, తేజా సజ్జాల కొత్త సినిమా టైటిల్​ అప్​డేట్స్​ ఇందులో ఉన్నాయి.

ఫహాద్​ ఫాజిల్​ ప్రధానపాత్రలో నటించిన మలయాళ చిత్రం 'మాలిక్'​. ఇటీవలే విడుదలైన ఈ సినిమా ట్రైలర్​ ప్రేక్షకులను ఆకట్టుకుంది. ఈ సినిమాను ఓటీటీలో విడుదల చేసేందుకు చిత్రబృందం సిద్ధమైంది. అమెజాన్​ ప్రైమ్​​ ద్వారా జులై 15న చిత్రాన్ని ప్రేక్షకుల ముందుకు తీసుకురానున్నట్లు ప్రకటించింది. ఈ మూవీకి మహేశ్​ నారయణన్​ దర్శకత్వం వహించగా.. ఆంటో జోసఫ్​ నిర్మాతగా వ్యవహరించారు.

ఫహాద్​ ఫాజిల్​ 'మాలిక్​' ఓటీటీ రిలీజ్​

'ద్వైత్వ'గా పవర్​స్టార్​

'కేజీఎఫ్​' చిత్రంతో బ్లాక్​బాస్టర్​ను ఖాతాలో వేసుకున్న హోంబళే నిర్మాణ సంస్థ.. ఇప్పుడు ప్రభాస్​తో 'సలార్​' సినిమాను తెరకెక్కిస్తోంది. ఈ బ్యానర్​లో మరో కొత్త చిత్రం కూడా రూపొందనుంది. కన్నడ పవర్​స్టార్​ పునీత్​ రాజ్​కుమార్​ హీరోగా పవన్​ కుమార్​ దర్శకత్వంలో ఓ సినిమా షూటింగ్​ జరుపుకొంటోంది. దీనికి సంబంధించిన టైటిల్​ను చిత్రబృందం గురువారం ప్రకటించింది. ఈ చిత్రానికి 'ద్వైత్వ' టైటిల్​ను ఖరారు చేశారు. పవన్​ కుమార్​ దర్శకత్వం వహిస్తుండగా.. విజయ్​ కిరగండూర్​ నిర్మాతగా వ్యవహరిస్తున్నారు. సెప్టెంబరులో ఈ ప్రాజెక్టు పట్టాలెక్కనుంది.

కన్నడ పవర్​స్టార్ పునీత్​ రాజ్​కుమార్​ కొత్త చిత్రం 'ద్వైత్యా' ​

తేజా సజ్జా 'అద్భుతం'..

యువ కథానాయకుడు తేజా సజ్జా, శివాని రాజశేఖర్​ జంటగా ఓ చిత్రం రూపొందుతోంది. ఈ సినిమాకు 'అద్భుతం' టైటిల్​ను ఖరారు చేశారు. దీనికి సంబంధించిన టైటిల్​ పోస్టర్​ను నేచురల్​ స్టార్​ నాని విడుదల చేశారు. మల్లిక్​ రామ్​ దర్శకత్వం వహిస్తుండగా.. చంద్రశేఖర్​ నిర్మాణ బాధ్యతలు చేపట్టారు.

తేజా సజ్జా కొత్త చిత్రం 'అద్భుతం'

ఇదీ చూడండి..'గని'గా మారిన వరుణ్​తేజ్​​.. 'డాక్టర్​' ఓటీటీ రిలీజ్​