యువనటి దుర్మరణం.. పార్టీ నుంచి తిరిగి వస్తుంటే..

గోవాలో జరిగిన రోడ్డు ప్రమాదంలో పుణెకు చెందిన నటి ఈశ్వరి దేశ్​పాండే(Ishwari Deshpande News) మరణించింది. ఓ వేడుకలో పాల్గొనేందుకు తన ప్రియుడు శుభమ్​తో కలిసి అక్కడికి వెళ్లగా.. తిరుగు ప్రయాణంలో కారు ప్రమాదానికి గురై వారిద్దరూ అక్కడికక్కడే మృతిచెందారు.

యువనటి ఈశ్వరి దేశ్​పాండే(Ishwari Deshpande News) రోడ్డుప్రమాదంలో మృతిచెందింది. పుణెకు చెందిన ఈమె.. తన బాయ్​ఫ్రెండ్ శుభమ్​ దెడ్జేతో కలిసి వారం క్రితం గోవా వెళ్లింది. అక్కడ ఓ పార్టీకి వెళ్లి, తిరిగి వస్తుండగా.. బుధవారం తెల్లవారుజామున 5 గంటల సమయంలో వారు ప్రయాణిస్తున్న కారు గోవాలోని కలన్​గుటే వద్ద ప్రమాదానికి గురైంది. వారు ప్రయాణిస్తున్న కారు బాగా కాలువలో పడిపోయింది. ఈ ప్రమాదంలో ఈశ్వరి(Ishwari Deshpande News), ఆమె బాయ్​ఫ్రెండ్ శుభమ్​ దెడ్గే అక్కడికక్కడే చనిపోయారు.

నటి ఈశ్వరి దేశ్​పాండే

ఈశ్వరి(Ishwari Deshpande Movies) ఇటీవల మరాఠీ, హిందీలో పలు చిత్రాల్లో నటించింది. ఈశ్వరి, శుభమ్​.. గత కొన్నేళ్లుగా ప్రేమలో ఉన్నారు. మరికొద్ది నెలల్లో దాంపత్య జీవితంలోకి అడుగుపెట్టాలనుకున్నారు.

ఇదీ చదవండి:వెంకటేశ్ షాకింగ్ లుక్.. రానాతో కలిసి వెబ్ సిరీస్