ఆస్కార్​ రేసులో 'సూరారై పొట్రు'.. మార్చి 5 నుంచి ఓటింగ్​

ఎయిర్ దక్కన్​ వ్యవస్థాపకుడు కెప్టెన్​ గోపీనాథ్​ జీవితాధారంగా.. తమిళ హీరో సూర్య ప్రధానపాత్రలో తెరకెక్కిన చిత్రం 'సూరరై పొట్రు'. ఈ సినిమా ఆస్కార్​ రేసులో ఉందని చిత్రబృందం అధికారికంగా ప్రకటించింది. ప్రపంచవ్యాప్తంగా అకాడమీ పురస్కార పోటీకి ఎంపికైన చిత్రాల్లో ఈ సినిమాకు అవకాశం దక్కడం పట్ల చిత్రయూనిట్ ఆనందం వ్యక్తం చేసింది.

కోలీవుడ్​ స్టార్​ హీరో సూర్య, దర్శకురాలు సుధా కొంగర కాంబినేషన్​లో రూపొందిన 'సూరారై పొట్రు' చిత్రం ఆస్కార్​ రేసులో నిలిచింది. అకాడమీ అవార్డుల స్క్రీనింగ్​ రూమ్​లో ప్రదర్శించనున్న 366 సినిమాల్లో ఈ చిత్రానికి చోటు దక్కింది. ఉత్తమ చిత్రం, ఉత్తమ నటుడు, ఉత్తమ నటి, ఉత్తమ దర్శకుడు సహా పలు విభాగాల్లో ఈ సినిమా పోటీ పడబోతోందని చిత్రబృందం స్పష్టం చేసింది.

గత నెలలో దీనిపై పలు రకాల ఊహాగానాలు వినిపించినా.. చిత్రబృందం తొలిసారి స్పందించింది. చిత్ర నిర్మాణ సంస్థకు చెందిన రాజశేఖర్​ పాండియన్ ఇదే విషయాన్ని​ అధికారికంగా ప్రకటించారు.

ఈ ఏడాది ఆస్కార్​ అవార్డ్స్​ వేడుకకుగాను ప్రపంచవ్యాప్తంగా 366 సినిమాలను అకాడమీ ఎంపిక చేసింది. అందులో సూర్య నటించిన 'సూరారై పొట్రు' సినిమా చోటు దక్కించుకుంది. ఆస్కార్​ రేసులో నిలిచిన ఏకైక దక్షిణాది చిత్రంగా ఘనత వహించింది. ఈ అవార్డులకు సంబంధించిన ఓటింగ్​ ప్రక్రియ మార్చి 5 నుంచి ప్రారంభంకానుంది.

ఇదీ చూడండి:ఆస్కార్​ రేసులో సూర్య 'సూరారై పొట్రు'!