టాలీవుడ్ యువ హీరో కార్తికేయ, నేహా సోలంకి ప్రధాన పాత్రల్లో నటించిన చిత్రం '90ఎంఎల్'. శేఖర్ రెడ్డి దర్శకత్వం వహించాడు. అనూప్ రూబెన్స్ సంగీతం అందించిన పాటలకు, ప్రమోషనల్ టూర్లకు, ప్రీ రిలీజ్ ఈవెంటుకు ఇప్పటికే అనూహ్య స్పందన వచ్చింది. కానీ విడుదల తేదీపై కాస్త గందరగోళం నెలకొంది. దీనిపై స్పష్టతనిచ్చింది చిత్రబృందం.
ఈ సందర్భంగా నిర్మాత అశోక్ రెడ్డి గుమ్మ‌కొండ మాట్లాడుతూ.. "90ml ని మొదట ఈ నెల 5న (గురువారం) విడుదల చేద్దాం అనుకున్నాం. కానీ కొన్ని అనివార్య కారణాల వల్ల డిసెంబర్ 6కి మార్చుకున్నాం. మా బ్యానర్కు పేరు తెచ్చిన బ్లాక్ బస్టర్ చిత్రం 'ఆర్ఎక్స్ 100'ని మించిన హిట్ అవుతుందని మా ప్రగాఢ నమ్మకం" అని అన్నారు.