'గ్యాంగ్లీడర్' చిత్రంతో తెలుగు తెరపై అడుగు పెట్టి.. తొలి ప్రయత్నంలోనే అందరి హృదయాలను కొల్లగొట్టింది నటి ప్రియాంక అరుళ్‌ మోహన్‌. అందుకే ఇప్పుడు ఇటు తెలుగులోనూ.. అటు తమిళంలోనూ వరుస ఆఫర్లతో జోరు చూపిస్తోంది ఈ మలయాళీ ముద్దుగుమ్మ. ఈ క్రమంలోనే తమిళంలో అగ్ర కథానాయకుడు సూర్య సరసన ఆడిపాడే అవకాశాన్ని దక్కించుకుంది. సూర్య ప్రస్తుతం పాండిరాజ్‌ దర్శకత్వంలో ఓ చిత్రం చేస్తున్నారు. ఇది ఆయనకు 40వ చిత్రం. సన్‌ పిక్చర్స్‌ సంస్థ నిర్మిస్తోంది. ఇందులో సూర్యకు జోడీగా ప్రియాంకను ఖరారు చేసినట్లు చిత్ర బృందం సామాజిక మాధ్యమాల ద్వారా ప్రకటించింది.
సూర్యకు జోడీగా 'గ్యాంగ్లీడర్' భామ - Surya 40th movie heroine
పాండిరాజ్‌ దర్శకత్వంలో తమిళ స్టార్ హీరో సూర్య నటిస్తోన్న సినిమాలో హీరోయిన్గా ప్రియాంక అరుళ్‌ మోహన్‌ ఎంపికైంది. ఈ విషయాన్ని చిత్రబృందం ప్రకటించింది.
అరుళ్‌ మోహన్‌
'ఆకాశం నీ హద్దురా' చిత్రంతో విజయం అందుకున్నారు సూర్య. ఆయన శైలికి సరిపడే ఓ విభిన్న కథాంశంతో ఈ చిత్రం రూపొందనుంది. ప్రస్తుతం పూర్వ నిర్మాణ పనులు జరుగుతున్నాయి. త్వరలోనే సెట్స్‌పైకి వెళ్లనుంది.
ఇదీ చూడండి : హాలీవుడ్ స్థాయిలో షారుక్ 'పఠాన్'