టొరంటో అంతర్జాతీయ చలనచిత్రోత్సవం-2020(టీఐఎఫ్ఎఫ్)కి ప్రచారకర్తగా బాలీవుడ్ నటి ప్రియాంకా చోప్రా ఎంపికైంది. బ్రాండ్ అంబాసిడర్లుగా ఇప్పటికే ఆహ్వానం పొందిన 50 మంది సినీప్రముఖుల జాబితాలో ఈమె చేరింది. ఈ విషయాన్ని తన ఇన్స్టాగ్రామ్లో వెల్లడిస్తూ.. టీఐఎఫ్ఎఫ్ తనకు రెండో ఇల్లు లాంటిదని రాసుకొచ్చింది.
"నా సినీప్రయాణంలో టీఐఎఫ్ఎఫ్ నాకు రెండో ఇల్లులాంటిది. నేను నటిగా, నిర్మాతగా చేసిన చాలా చిత్రాలను ఈ వేడుకలో ప్రదర్శించారు. వైవిధ్యమైన కథలను ప్రదర్శించడం, గ్లోబల్ కంటెంట్కు మద్దతు ఇవ్వడం సహా అలాంటి కథలు విజేతలుగా నిలిచేందుకు టీఐఎఫ్ఎఫ్ ఎప్పుడూ సహకరిస్తుంది. ఈ ఏడాది దీనికి ప్రచారకర్తగా ఎంపికవ్వడం ఎంతో గర్వంగా ఉంది. ఈ విలువైన బంధాన్ని ఇకపైనా కొనసాగించాలని అనుకుంటున్నాను"