ప్రస్తుతం దిల్లీలో కాలుష్యం తీవ్రరూపం దాల్చింది. ఈ అంశంపై సామాజిక మాధ్యమాల వేదికగా చాలమంది తమ అసంతృప్తిని వ్యక్తం చేస్తున్నారు. తాజాగా బాలీవుడ్ హీరోయిన్ ప్రియాంక చోప్రా ఈ విషయంపై స్పందించింది. సినిమా షూటింగ్ కోసం మాస్క్, కళ్లద్దాలు పెట్టుకొని సెట్కు వెళ్తోందట. ఇందుకు సంబంధించిన ఫొటోను ఇన్స్టాలో షేర్ చేసింది.
"దిల్లీలో కాలుష్యం వల్ల చిత్రీకరణలో పాల్గొనటం చాలా కష్టంగా ఉంది, ‘వైట్ టైగర్’ చిత్రీకరణలో పాల్గొన్నాను. తాజా పరిస్థితుల వల్ల ఇక్కడ షూటింగ్ చేయటం చాలా కష్టంగా ఉంది. ఈ కాలుష్యంలో ప్రజలు ఎలా ఉంటున్నారో తలచుకుంటుంటేనే చాలా భయంగా ఉంది. కాలుష్యం నుంచి కాపాడుకోవటానికి మనకి మాస్క్‌లు ఉన్నాయి. కానీ ఇల్లు లేని చాలా మంది ప్రజలు రోడ్లు మీద నివసిస్తూ ఈ కాలుష్యంతో ఇబ్బంది పడుతున్నారు" -ప్రియాంక చోప్రా, ఇన్ స్టా పోస్ట్.