Priyanka chopra: బాలీవుడ్‌లో స్టార్ హీరోయిన్‌గా గుర్తింపు పొందినా.. ఆ స్టార్‌డమ్‌ను హాలీవుడ్లో చూపించలేదని అంటున్నారు నటి ప్రియాంక చోప్రా. బాలీవుడ్‌ నుంచి అంతర్జాతీయ నటిగా ఆమె ఎదిగిన తీరు ఎంతో మంది నటీనటులకు ఆదర్శంగా నిలుస్తుందనడంలో సందేహం లేదు. తాజాగా ఆమె నటించిన హాలీవుడ్ చిత్రం 'ది మ్యాట్రిక్స్‌ రీసర్రెక్షన్స్‌' ప్రేక్షకుల ముందుకు వచ్చింది. ఈ సందర్భంగా ప్రియాంక ఓ మీడియా సంస్థకి ఇచ్చిన ఇంటర్వ్యూలో మాట్లాడుతూ.. హాలీవుడ్లో అవకాశాల కోసం తను పడిన కష్టం గురించి చెప్పుకొచ్చారు.
"ఏడేళ్ల కిందట యూఎస్‌కి వెళ్లి హాలీవుడ్ సినిమాల్లో అవకాశాలు పొందడానికి చాలా కష్టపడ్డాను. భారత్లో నాకున్న స్టార్డమ్ గురించి ఎవరికీ చెప్పలేదు.. చూపించలేదు. ఒక కొత్త నటిలా ప్రతి స్టూడియోకి వెళ్లి అవకాశం ఇవ్వమని కోరాను. అనేక ఆడిషన్లలో పాల్గొన్నాను. నేను కూడా కీలక పాత్రలు, ప్రధాన పాత్రలు పోషిస్తానని నిరూపించడం కష్టతరంగా ఉండేది" అని ప్రియాంక వెల్లడించారు.