శర్వాతో సందడి చేయనున్న 'గ్యాంగ్​లీడర్​' భామ!

టాలీవుడ్​ యువ కథానాయకుడు శర్వానంద్​ హీరోగా అజయ్​ భూపతి దర్శకత్వంలో రూపొందనున్న చిత్రం 'మహాసముద్రం'. ఈ సినిమాలో ఓ కీలకపాత్ర కోసం సిద్ధార్థ్​ను ఎంపిక చేసింది చిత్రబృందం. ఇందులో హీరోయిన్​గా 'గ్యాంగ్​లీడర్'​ భామ ప్రియాంక అరుల్ మోహన్​ను సంప్రదించినట్లు సమాచారం.

'ఆర్​​ఎక్స్​ 100' వంటి హిట్​ తర్వాత అజయ్​ భూపతి దర్శకత్వంలో తెరకెక్కనున్న కొత్త చిత్రం 'మహాసముద్రం'. శర్వానంద్​ హీరోగా, సిద్ధార్థ్​ కీలకపాత్రలో నటిస్తున్నారు. సుంకర రామబ్రహ్మం నిర్మాతగా వ్యవహరిస్తున్నారు. గాఢతతో నిండిన చక్కటి ప్రేమకథతో రూపొందనున్న చిత్రమిది. యాక్షన్​కు ప్రాధాన్యముంది. ఈ చిత్రంలో శర్వాకు జోడీగా కనిపించబోయే నాయిక కోసం సమంత, సాయిపల్లవి, అదితీరావు హైదరీ వంటి వారి పేర్లు వినిపించాయి.

ఇప్పుడీ అవకాశం 'గ్యాంగ్​లీడర్​' భామ ప్రియాంక అరుల్​ మోహన్​ అందుకున్నట్లు సమాచారం. ప్రస్తుతం శర్వానంద్​ హీరోగా చేస్తున్న 'శ్రీకారం' చిత్రంలోనూ ఆమె కథానాయికగా నటిస్తోంది. ఇప్పుడీ జోడీనే మరోసారి ఈ కొత్త చిత్రంలో కనువిందు చేయనున్నట్లు తెలుస్తోంది. ఇప్పటికే ఆమె ఈ కథకు అంగీకారం తెలిపిందని, మరికొద్ది రోజుల్లోనే దీనిపై అధికారిక ప్రకటన వెలువడనుందని సమాచారం. త్వరలోనే సినిమా సెట్స్​పైకి వెళ్లనుంది.