కన్నుగీటే సన్నివేశంతో రాత్రికి రాత్రే సెన్సేషన్గా మారింది ప్రియా ప్రకాశ్ వారియర్. ప్రస్తుతం హీరోయిన్గా పలు సినిమాల్లో చేస్తోంది. ఇప్పుడు తనలోని మరో కోణాన్ని బయటకు తీసింది. తన గళంతో సంగీత ప్రియుల్ని ఆకట్టుకునేందుకు సిద్ధమవుతోంది. ఇటీవలే ఓ మలయాళ చిత్రం కోసం తొలిసారి పాట పాడింది. ఆ వీడియోనూ తన ఇన్స్టాలో పంచుకుంది. తొలి ప్రయత్నాన్ని మెచ్చుకున్న అందరికీ ధన్యవాదాలు తెలిపింది.
క్రీడా నేపథ్యంతో రూపుదిద్దుకుంటోన్న ఈ సినిమాకు కైలాష్‌ మేనన్ సంగీతాన్ని అందించాడు. ఇందులో గీతాన్ని గాయకుడు నరేశ్‌ అయ్యర్‌తో కలిసి ఎంతో చక్కగా ఆలపించిందీ ముద్దుగుమ్మ.