96దర్శకుడికి గొల్లపూడి అవార్డు

96 సినిమాతో తమిళంలో ఘనవిజయం అందుకున్న దర్శకుడు ప్రేమ్ కుమార్... 'గొల్లపూడి శ్రీనివాస్ జాతీయ అవార్డు'కు ఎంపికయ్యారు.

తమిళ దర్శకుడు సి.ప్రేమ్ కుమార్... 'గొల్లపూడి శ్రీనివాస్ జాతీయ పురస్కారాని'కి ఎంపికయ్యారు. తమిళంలో ఇటీవల విడుదలై సంచలనం సృష్టించిన 96 సినిమాకు దర్శకుడు ఈయన.

గొల్లపూడి శ్రీనివాస్ స్మారకంగా 1997 నుంచి ఈ పురస్కారాన్ని అందజేస్తున్నారు. ఈ ఏడాది కూడా పలు దేశాల నుంచి నామినేషన్లు రాగా ప్రేమ్ కుమార్ విజేతగా నిలిచినట్లు అవార్డు కమిటీ తెలిపింది.

ఈ పురస్కార ప్రదానోత్సవం ఆగష్టు 12న జరగనుంది. తమిళ 96 చిత్రంలో విజయ్ సేతుపతి, త్రిష జంటగా నటించారు. తెలుగులో ప్రస్తుతం శర్వానంద్, సమంత హీరో హీరోయిన్లుగా ఈ సినిమాను రీమేక్ చేయడానికి సన్నాహాలు చేస్తున్నారు.