స్నేహకు ఆడబిడ్డ.. ఏంజిల్ వచ్చిందంటూ పోస్ట్

నటి స్నేహ.. ఈరోజు(శుక్రవారం) ఆడబిడ్డకు జన్మనిచ్చింది. ఈ విషయాన్ని ఆమె భర్త ప్రసన్న సోషల్ మీడియా వేదికగా వెల్లడించాడు.

దక్షిణాది భాషల్లో నటిగా రాణిస్తున్న స్నేహ.. ఈరోజు ఆడబిడ్డకు జన్మనిచ్చింది. ఈ విషయాన్ని ఆమె భర్త, నటుడు ప్రసన్న.. సోషల్ మీడియా​ వేదికగా వెల్లడిస్తూ, ఓ ఫొటోను పంచుకున్నాడు. పలువురు సెలబ్రిటీలు అతడికి శుభాకాంక్షలు చెబుతున్నారు.

స్నేహ భర్త ప్రసన్న పోస్ట్

ప్రసన్న-స్నేహలకు 2012లో వివాహమైంది. వీరికి విహాన్(5) అనే కుమారుడు ఉన్నాడు. స్నేహ... చివరగా తెలుగులో రామ్​చరణ్ 'వినయ విధేయ రామ' సినిమాలో నటించింది. ఇటీవలే వచ్చిన ధనుష్ 'పటాస్'తో ప్రేక్షకులను పలకరించింది.

దక్షిణాదిలో స్నేహ హీరోయిన్​గా మంచి గుర్తింపు తెచ్చుకుంది. తెలుగులో 'శ్రీరామదాసు', 'వెంకీ', 'సంక్రాంతి', 'ప్రియమైన నీకు' లాంటి విజయవంతమైన చిత్రాల్లో నటించింది. ప్రసన్నతో వివాహం తర్వాత హీరోయిన్ పాత్రలకు స్వస్తి చెప్పిన ఈమె.. ప్రస్తుతం సహాయ పాత్రలు చేస్తూ మెప్పిస్తోంది.