యువ హీరో అఖిల్ నటించిన 'హలో' చిత్రంతో తెలుగు చిత్రపరిశ్రమలో అరంగేట్రం చేసిన కథానాయిక కల్యాణి ప్రియదర్శన్. ప్రముఖ దర్శకుడు ప్రియదర్శన్ కుమార్తె అయిన ఈ ముద్దుగుమ్మ.. ప్రస్తుతం మోహన్లాల్ తనయుడు ప్రణవ్ మోహన్లాల్తో కలిసి 'హృదయం' మూవీలో నటిస్తోంది. ఈ సినిమాకి వినీత్ శ్రీనివాస్ దర్శకత్వం వహిస్తున్నాడు. విశాఖ సుబ్రహ్మణ్యం, నోబెల్బాబు ఈ చిత్రానికి నిర్మాతలు. ఇందులో దర్శన రాజేంద్రన్, మాయానాది, విజయ్ లాంటి నటులు కీలక పాత్రలు పోషిస్తున్నారు. రొమాంటిక్‌ ప్రేమకథగా వస్తున్న ఈ చిత్రాన్ని 2020 ఓనమ్ పండుగ కానుకగా ప్రేక్షకుల ముందుకు తీసుకొచ్చేందుకు చిత్రబృందం సన్నాహాలు చేస్తోంది.
ప్రణవ్ మోహన్లాల్ సరసన కల్యాణి
మలయాళం సూపర్స్టార్ మోహన్లాల్ తనయుడు ప్రణవ్ మోహన్లాల్ హీరోగా తెరెక్కుతోన్న చిత్రం 'హృదయం'. ఇందులో ప్రముఖ దర్శకుడు ప్రియదర్శన్ కుమార్తె కల్యాణి ప్రియదర్శన్ కథానాయిక. వినీత్ శ్రీనివాస్ దర్శకత్వం వహిస్తున్న ఈ సినిమా వచ్చే ఏడాది ఓనమ్ పండుగకు విడుదల చేయనుంది చిత్రబృందం.
ప్రణవ్ సరసన కల్యాణి ప్రియదర్శన్
మరోవైపు మోహన్లాల్ ప్రధాన పాత్రలో తెరకెక్కుతోన్న 'మరక్కర్‌: అరబికాడలింటే సింహామ్‌' చిత్రంలోనూ ప్రణవ్, కల్యాణి అతిథి పాత్రల్లో కనిపించనున్నారు. హలో సినిమా తర్వాత సాయిధరమ్ తేజ్ చిత్రలహరి, శర్వానంద్ రణరంగం సినిమాల్లోనూ నటించి మెప్పించింది కల్యాణి.
ఇవీ చూడండి.. వెండితెరపై శభాష్ 'మిథాలీ'... నటి ఎవరో తెలుసా..?