విలక్షణమైన నటనకు చిరునామా ప్రకాశ్రాజ్. హీరోగా మెప్పించాడు. విలన్గా భయపెట్టాడు. సహాయ నటుడిగా మురిపించాడు. ఇతడిలో నటుడే కాకుండా ఓ దర్శకుడు దాగి ఉన్నాడన్న సంగతి ప్రత్యేకంగా చెప్పాల్సిన పనిలేదు. ప్రకాశ్రాజ్ ప్రధాన పాత్రలో ప్రముఖ దర్శకుడు కృష్ణవంశీ 'రంగమార్తాండ' చిత్రాన్ని తెరకెక్కిస్తున్నాడు. రమ్యకృష్ణ, బ్రహ్మానందం తదితరులు కీలక పాత్రల్లో కనిపించబోతున్నారు. ప్రస్తుతం శరవేగంగా చిత్రీకరణ జరుపుకుంటోన్న ఈ చిత్రం కోసం ప్రకాశ్రాజ్ సహాయ దర్శకుడిగానూ మారారట. ఈ విషయాన్ని కృష్ణవంశీ ట్విటర్‌ వేదికగా అభిమానులతో పంచుకున్నాడు.
"నా బృందంలో కొత్త సహాయ దర్శకుడు. ఆశీర్వదించండి" అంటూ ప్రకాశ్రాజ్కు సంబంధించిన వీడియోను షేర్‌ చేశాడు. ఈ వీడియోలో మిగతా అసిస్టెంట్ డైరక్టర్లతో కలిసి ఫొటో ఫ్రేమ్‌లు గోడకు అతికించడంలో సహాయం చేస్తూ కనిపించాడు ప్రకాశ్రాజ్. ప్రతిరోజూ సెట్స్‌లో తన పాత్ర చిత్రీకరణ ముగిసిన వెంటనే ఇలా తోటి సాంకేతిక బృందానికి ఇలాగే పనిలో సహాయం చేస్తున్నారని చిత్రబృందం తెలిపింది.