pragya jaiswal salman khan: కెరీర్‌లో విజయాన్ని సొంతం చేసుకునేందుకు ఎంతో ప్రయత్నిస్తున్నారు నటి ప్రగ్యాజైశ్వాల్. ప్రస్తుతం 'అఖండ'ప్రమోషన్స్‌లో ఫుల్‌ బిజీగా పాల్గొంటున్న ప్రగ్యా గురించి ఓ ఆసక్తికర వార్త నెట్టింట్లో తెగ చక్కర్లు కొడుతోంది(balakrishna akhanda movie). అనుకోని కారణాల వల్ల తన ప్రమేయం లేకుండానే ఓ బంపర్ ఆఫర్ చేజారిందట.
బాలీవుడ్‌ స్టార్‌ హీరో సల్మాన్ఖాన్ ప్రధాన పాత్రలో నటించిన చిత్రం 'అంతిమ్: ది ఫైనల్ ట్రూత్'(salmankhan antim movie). మహేశ్‌ మంజ్రేకర్‌ దర్శకత్వం వహించిన ఈ సినిమాలో ఆయుష్‌ శర్మ కీలకపాత్ర పోషించారు. గ్యాంగ్‌స్టర్స్‌, పోలీసులకు మధ్య జరిగే పోరాటాల కథాంశంతో తెరకెక్కిన ఈ సినిమాలో సల్మాన్ పోలీస్‌ అధికారిగా కనిపించారు. అయితే, సల్మాన్ అభిమానులను దృష్టిలో ఉంచుకొని ఆయనపై ఓ రొమాంటిక్ సాంగ్‌ చిత్రీకరించాలని మొదట చిత్రబృందం భావించిదట. ఆ పాటలో సల్మాన్ సరసన డ్యాన్స్‌ చేయడానికి నటి ప్రగ్యాజైశ్వాల్‌ను టీమ్‌ సంప్రదించగా.. ఆమె ఓకే కూడా అన్నారట. తీరా సినిమా షూట్‌ ప్రారంభమయ్యాక.. సీరియస్‌ కంటెంట్‌లో రొమాంటిక్ సాంగ్‌ ఉండకపోతేనే బాగుంటుందని టీమ్‌ నిర్ణయించుకొని ప్రగ్యాకి తెలియజేశారట.