బాలీవుడ్​ సూపర్​స్టార్ సరసన ప్రగ్యాకు ఛాన్స్!

'కంచె' బ్యూటీ ప్రగ్యా జైస్వాల్ బాలీవుడ్​లో బంపర్ ఆఫర్ కొట్టేసిందట. ఈ అమ్మడు సూపర్ స్టార్ సల్మాన్ ఖాన్ సరసన నటించే అవకాశం దక్కించుకుందని తెలుస్తోంది.

'కంచె' చిత్రంతో టాలీవుడ్​ ఎంట్రీ ఇచ్చి తెలుగు ప్రేక్షకుల్ని అలరించింది ప్రగ్యా జైస్వాల్. అప్పటి నుంచి కొన్ని సినిమాల్లో నటించినా సరైన హిట్​ మాత్రం దొరకలేదు. అయితే ప్రస్తుతం ఈ మద్దుగుమ్మ బాలీవుడ్​లో బంపర్ ఆఫర్ కొట్టేసినట్లు తెలుస్తోంది.

ప్రగ్యా.. బాలీవుడ్ సూపర్​స్టార్​ సల్మాన్ ఖాన్ సరసన నటించే అవకాశం దక్కించుకుందని తెలుస్తోంది. సల్మాన్ హీరోగా తెరకెక్కుతోన్న చిత్రం 'అంతిమ్'. ఇందులో ఇతడు సిక్కు పోలీస్ అధికారిగా కనిపించనున్నాడు. ఈ చిత్రంలో ఇతడికి జోడీగా ప్రగ్యా మెరవనుందట.

ప్రస్తుతం ప్రగ్యా తెలుగులో బాలకృష్ణ సరసన నటిస్తోంది. బోయపాటి దర్శకుడు. ప్రస్తుతం చిత్రీకరణ దశలో ఉంది.