Pragya Jaiswal Salman Khan: 'కంచె'చిత్రంతో తెలుగు ప్రేక్షకుల్ని అలరించిన నటి ప్రగ్యా జైశ్వాల్. ఆ తర్వాత అడపాదడపా సినిమాలు చేసినా.. ఇటీవల విడుదలైన బాలకృష్ణ 'అఖండ'చిత్రంతో భారీ విజయాన్ని తన ఖాతాలో వేసుకొంది.
అయితే తాజాగా సల్మాన్ఖాన్తో కలిసి ఆడిపాడింది. 'మై ఛలా..' అంటూ సాగే వీడియో గీతంలో ఈ జంట సందడి చేసింది. ఇటీవల విడుదలైన ఈ గీతానికి మంచి స్పందన లభిస్తోంది. ఈ సందర్భంగా సల్మాన్‌తో నటించిన క్షణాల్ని గుర్తుచేసుకొంది ప్రగ్య.
"సల్మాన్‌ను ఆ పాట సెట్లోనే తొలిసారి కలిశాను. నాకు అక్కడ విషయాలేవీ తెలియవు. సల్మాన్ లాంటి వ్యక్తిని తొలిసారి కలుస్తున్నప్పుడు కొంచెం ఆచితూచి వ్యవహరిస్తే మంచిది కదా అనిపించింది. ఆయన పక్కన నటిస్తున్నాను కదా అని చనువుగా వ్యవహరిస్తే లేనిపోని సమస్యలు రావొచ్చేమో అనుకున్నాను.