యాంకర్ ప్రదీప్ హీరోగా నటించిన తొలి చిత్రం '30 రోజుల్లో ప్రేమించడం ఎలా?'. సుకుమార్ శిష్యుడు మున్నా దర్శకత్వం వహించారు. ఎస్వీ బాబు నిర్మించిన ఈ సినిమా.. జనవరి 29న విడుదల కానుంది. గీతా ఆర్ట్స్, యూవీ క్రియేషన్స్ సంయుక్తంగా ప్రేక్షకుల ముందుకు తీసుకురానున్నాయి. ఈ సందర్భంగా సినిమా విడుదల కావడం ఎంతో సంతోషంగా ఉందని చిత్ర నిర్మాత ఆనందం వ్యక్తం చేశారు.
ఆ నమ్మకంతోనే థియేటర్లలోకి మా సినిమా: ఎస్వీ బాబు - నీలి నీలి ఆకాశం సాంగ్
త్వరలో ప్రేక్షకుల ముందుకు రానున్న ప్రదీప్ తొలి సినిమా గురించి నిర్మాత మాట్లాడారు. ట్రైలర్ను మరికొద్ది రోజుల్లో తీసుకొస్తామని అన్నారు.
'30 రోజుల్లో ప్రేమించడం ఎలా?' సినిమా
కథపై నమ్మకంతోనే ఓటీటీలో కాకుండా థియేటర్లో విడుదల చేస్తున్నట్లు ఎస్వీ బాబు చెప్పారు. ప్రదీప్ అభిమానులు గర్వపడేలా మున్నా సినిమాను తెరకెక్కించారని, లాక్డౌన్లో కావల్సినన్ని మార్పులు చేయడం వల్ల చిత్రం చక్కగా వచ్చిందని అన్నారు. త్వరలోనే ట్రైలర్ను రిలీజ్ చేస్తామని తెలిపారు.
ఇది చదవండి:'నీలి నీలి ఆకాశం' రికార్డు.. దక్షిణాది తొలి గీతంగా ఘనత