యంగ్ రెబల్స్టార్ ప్రభాస్, పూజా హెగ్డే ప్రధాన పాత్రల్లో తెరకెక్కుతున్న చిత్రం 'రాధేశ్యామ్'. యూవీ క్రియేషన్స్‌ పతాకంపై 'జిల్‌' ఫేమ్‌ రాధాకృష్ణ దర్వకత్వంలో ఈ అందమైన ప్రేమకావ్యం రూపుదిద్దుకుంటోంది. ప్రస్తుతం షూటింగ్‌ దశలో ఉన్న ఈ సినిమాను ఏప్రిల్‌లో ప్రేక్షకుల ముందుకు తీసుకురానున్నారు. ఈ విషయాన్ని నటుడు, నిర్మాత కృష్ణంరాజు తాజాగా జరిగిన ఇంటర్వ్యూలో వెల్లడించారు.
ప్రభాస్ 'రాధేశ్యామ్' విడుదల ఎప్పుడంటే?
యంగ్ రెబల్స్టార్ ప్రభాస్ హీరోగా రాధాకృష్ణ దర్శకత్వంలో తెరకెక్కుతోన్న చిత్రం 'రాధేశ్యామ్'. ఈ సినిమా విడుదల తేదీపై టాలీవుడ్లో జోరుగా చర్చ నడుస్తోంది. తాజాగా దీనిపై స్పందించారు నటుడు, నిర్మాత కృష్ణంరాజు.
రాధేశ్యామ్
భారీ బడ్జెట్‌తో 'రాధేశ్యామ్' పాన్‌ ఇండియా చిత్రంగా తెరకెక్కుతోంది. సినిమాను అధికభాగం ఇటలీలోనే చిత్రీకరించారు. ఇప్పటికే విడుదలైన మోషన్‌ పోస్టర్‌ ప్రేక్షకులను ఆకట్టుకుంది. ఈ సినిమాకు జస్టిన్‌ ప్రభాకర్‌ సంగీతం అందిస్తుండగా, మనోజ్‌ పరమహంస తన కెమెరా పనితనాన్ని చూపెట్టనున్నారు. సచిన్‌ ఖడేకర్‌, ప్రియదర్శి, భాగ్యశ్రీ, మురళీశర్మ, కృనాల్‌ రాయ్‌ కపూర్‌ ఇతర పాత్రల్లో నటిస్తున్నారు.