'రాధేశ్యామ్'​తో ప్రభాస్​ మరోసారి లవర్​బాయ్​గా మెప్పిస్తారా?

prabhas radheshyam: లవర్​బాయ్​గా ప్రభాస్​ నటించిన 'రాధేశ్యామ్'​ కోసం అభిమానులు ఎంతో ఆసక్తిగా ఎదురుచూస్తున్నారు. మార్చి 11న ప్రపంచవ్యాప్తంగా థియేటర్లలో విడుదల కానుంది. 1970 నాటి పీరియాడికల్​ లవ్​స్టోరీగా తెరకెక్కిన ఈ సినిమాపై భారీ అంచనాలు ఉన్నాయి. ఈ నేపథ్యంలో డార్లింగ్​​ తన కెరీర్​లో లవర్​బాయ్​గా నటించిన సినిమాలపై ఓ లుక్కేద్దాం.

Radheshyam Update: రాధేశ్యామ్​ సినిమా విడుదలైంది. సినిమా రివ్యూ కోసం ఈ లింక్​పై క్లిక్​ చేయండి Radheshyam review: ప్రేమకు, విధికి మధ్య జరిగిన యుద్ధంలో గెలుపెవరిది?

Prabhas radheshyam movie: దేశంలో ప్రస్తుతం ఎక్కడ చూసినా 'రాధేశ్యామ్'​ హడావుడి కనిపిస్తోంది. పాన్ఇండియా స్టార్​ ప్రభాస్​, పూజా హెగ్డే కలిసి నటించిన ఈ చిత్రం మార్చి 11న భారీ అంచనాలతో ప్రేక్షకుల ముందుకు రానుంది. చాలా కాలం తర్వాత ప్రభాస్​ లవర్​బాయ్​గా కనిపించడం, సినిమా కథాంశం, విజువల్​ ఎఫెక్ట్స్​తో టీజర్​, ట్రైలర్ ఉత్కంఠంగా ఉండటం​ సినిమాపై అంచనాలు తారస్థాయికి చేరాయి. అంతేకాక.. ఈ సినిమా ప్రచార చిత్రంలో ప్రభాస్​ (విక్రమాదిత్య), పూజా హెగ్డే (ప్రేరణ) మధ్య కెమిస్ట్రీ చూస్తుంటే..మంచి ప్రేమ కావ్యం అయ్యేటట్టు ఉంది. ఈ నేపథ్యంలో డార్లింగ్​.. గతంలో లవర్​బాయ్​గా ప్రేక్షకులను మెప్పించిన సినిమాలపై ఓ లుక్కేద్దాం..

డార్లింగ్​

తన కెరీర్​లో అప్పటి వరకు మాస్ కథా చిత్రాల్లో అలరించిన ప్రభాస్‌ 'డార్లింగ్'తో క్లాస్ అండ్​ లవర్​బాయ్​​ హీరోగా మారిపోయారు. 2010లో విడుదలైన ఈ చిత్రంలో ప్రభాస్​ క్లాసీలుక్, నటన ఫ్యామిలీ ఆడియెన్స్​కు మరింత దగ్గరయ్యేలా చేసింది. అభిమానులతో పాటు సాధారణ ప్రేక్షకులకు కూడా ప్రభాస్​ సూపర్​గా నచ్చేశారు. ఈ మూవీలో హీరోయిన్​ కాజల్​ అగర్వాల్​తో ప్రభాస్​ చేసిన కెమిస్ట్రీ కూడా అదిరిపోయింది. మొత్తానికి ఈ​ చిత్రం సూపర్​ హిట్​గా నిలిచింది.

మిస్టర్​ పెర్​ఫెక్ట్​

మళ్లీ కాజల్ అగర్వాల్​తో కలిసి దశరథ్ దర్శకత్వంలో 'మిస్టర్ పర్‌ఫెక్ట్' సినిమాలో నటించారు ప్రభాస్. కుటుంబ విలువల నేపథ్యంలో తెరకెక్కిన ఈ మూవీలో తాప్సీ మరో కథానాయిక. ఈ సినిమా డార్లింగ్ కన్నా పెద్ద హిట్​ను​ అందుకుంది. "కెరీర్​లో గెలవాలంటే రాజీపడకుండా కష్టపడాలి. అప్పుడే గెలుస్తాం. కానీ బంధాల్లో కొన్నిసార్లు రాజీపడితేనే గెలుస్తాం" అని ప్రభాస్​ చెప్పిన డైలాగ్​లు అభిమానులను విపరీతంగా ఆకట్టుకున్నాయి. ఈ చిత్రంతో టాలీవుడ్‌లో క్లీన్ ఇమేజ్‌ను సొంతం చేసుకున్నారు ప్రభాస్. 2011లో విడుదలైన ఈ చిత్రం లవ్ అండ్ ఫ్యామిలీ ఎంటర్‌టైనర్‌గా ప్రేక్షకుల్ని ఆకట్టుకుని బ్లాక్ బస్టర్ హిట్​గా నిలిచింది.

మిర్చి

మిస్టర్​ పెర్​ఫెక్ట్​ వంటి కథలతో ఫ్యామిలీ ఆడియన్స్​కు దగ్గరవుతున్న ప్రభాస్​కు మాస్​ హిట్​ ఇస్తానంటూ దర్శకుడు కొరటాల శివ డార్లింగ్​ చేతికి కత్తి ఇచ్చారు. 2013లో విడుదలైన ఈ సినిమాలో ప్రభాస్​ మాత్రం తనదైన శైలిలో మంచి ఎనర్జీతో సూపర్​గా నటించారు. ఇందులో ప్రభాస్​ లుక్​, నటన, అనుష్కతో కెమిస్ట్రీ అటు మాస్​ అభిమానులకు, ఇటు ఫ్యామిలీ ఆడియన్స్​కు తెగ నచ్చింది. సినిమా కూడా అంతే రీతిలో హిట్​ అయింది. వీలైతే ప్రేమిద్దాం డ్యూడ్​.. పోయేది ఏముందని ప్రభాస్​ డైలాగ్​ చెబుతుంటే ధియేటర్లు దద్దిరిల్లాయి.

వర్షం

'ఈశ్వర్' సినిమాతో వెండితెరలోకి అరంగ్రేటం చేసిన ప్రభాస్ మొదటి చిత్రంతోనే విజయం అందుకున్నారు. రెండో చిత్రం రాఘవేంద్ర ప్రేక్షకులను పెద్దగా మెప్పించలేకపోయింది.​ ఇక 2004లో త్రిష సరసన నటించిన 'వర్షం' సినిమా ప్రభాస్​కు మంచి పేరు ప్రఖ్యాతులను సంపాదించి పెట్టింది. కెరీర్​ను మలుపు తిప్పింది.

విధా? ప్రేమా?

వాయిదాలమీద వాయిదాలు పడి ఎట్టకేలకు మార్చి 11న రాధేశ్యామ్​ చిత్రం ప్రేక్షకుల ముందుకొస్తోంది. యు.వి.క్రియేషన్స్‌ పతాకంపై వంశీ, ప్రమోద్‌, ప్రసీధ నిర్మిస్తున్నారు. దాదాపు రూ.300కోట్ల బడ్జెట్‌తో ఈ సినిమాను తెరకెక్కించారు .ఇందులో విక్రమాదిత్య అనే హస్తసాముద్రికా నిపుణుడిగా ప్రభాస్‌ కనిపించనున్నారు. విధికి, ప్రేమకు మధ్య జరిగే పోరు అనేది ఈ సినిమాలో ముఖ్య అంశం. ఇక విధి గెలుస్తుందా, ప్రేమ నెగ్గుతుందా తెలియాలంటే చిత్రాన్ని చూడాల్సిందే. కాగా, ఈ చిత్రంతో లవర్​బాయ్​గా ప్రభాస్​ మరోసారి ప్రేక్షకులను మెప్పిస్తారా లేదో చూడాలి..

ఇదీ చదవండి: Radheshyam: 'ప్రభాస్​ నన్ను చాలా ప్రోత్సహించారు'