డార్లింగ్ ప్రభాస్ 'రాధేశ్యామ్' నుంచి కొత్త అప్డేట్ వచ్చేసింది. ఇప్పటికే తొలి గీతం అలరిస్తుండగా, రెండో సాంగ్ టీజర్ను సోమవారం(నవంబరు 29), ప్రేక్షకుల ముందుకు తీసుకొస్తున్నట్లు వెల్లడించారు. హిందీ వెర్షన్ మధ్యాహ్నం ఒంటి గంటకు, తెలుగు-తమిళ-కన్నడ-మలయాళ వెర్షన్ పాట టీజర్లను సాయంత్రం 7 గంటలకు రిలీజ్ చేయనున్నట్లు ప్రకటించారు.
1970ల నాటి ప్రేమకథతో తెరకెక్కుతున్న ఈ సినిమాలో ప్రభాస్ సరసన పూజాహెగ్డే హీరోయిన్గా చేసింది. ఇందులో డార్లింగ్ హీరో పాలమిస్ట్గా(హస్తరేఖలు చూసి భవిష్యత్తు చెప్పే వ్యక్తి) నటించారు. ఇప్పటికే రిలీజైన టీజర్ అలరిస్తూ, సినిమాపై అంచనాల్ని పెంచుతోంది.