"గురువును మించిన శిష్యుడు.. తండ్రిని మించిన తనయుడు అంటుంటారు. ప్రభాస్ అలాంటి వాడే. నేను హీరోగా దక్షిణాది చిత్రసీమల్లో మాత్రమే గుర్తింపు తెచ్చుకున్నా. కానీ ప్రభాస్ ఏకంగా ప్రపంచ దేశాల్లోనూ తనకంటూ ఓ ప్రత్యేక గుర్తింపును సృష్టించుకున్నాడు" అని అన్నారు సీనియర్ నటుడు కృష్ణంరాజు.
దాదాపు 350కి పైగా సినిమాల్లో నటించి.. సినీప్రియుల మదిలో రెబల్‌స్టార్‌గా పేరు తెచ్చుకున్నారు ఈయన. ఈనెల 20న ఆయన జన్మదినం. ఈ నేపథ్యంలో శనివారం హైదరాబాద్‌లో ప్రముఖ రచయిత పరుచూరి గోపాలకృష్ణ ఆధ్వర్యంలో ముందస్తుగా కృష్ణంరాజు పుట్టినరోజు వేడుకలు నిర్వహించారు. ఈ సందర్భంగా ఆయన మాట్లాడుతూ ప్రభాస్ సినిమా విశేషాలను పంచుకున్నారు.
రెబల్స్టార్ కృష్ణంరాజు