టాలీవుడ్ ప్రముఖ ఎడిటర్ మృతి

పలు సినిమాలకు ఎడిటర్​గా పనిచేసిన కోలా భాస్కర్.. అనారోగ్యంతో బుధవారం ఉదయం తుదిశ్వాస విడిచారు. ఈయన పవన్ 'ఖుషీ' చిత్రంతో పేరు తెచ్చుకున్నారు.

తెలుగు, తమిళ భాషల్లో ఎడిటర్​గా గుర్తింపు తెచ్చుకున్న కోలా భాస్కర్ (55) కన్నుమూశారు. గత కొంతకాలంగా గొంతు క్యాన్సర్​తో బాధపడుతున్న ఈయన... హైదరాబాద్​లోని ఆసుపత్రిలో చికిత్స పొందుతూ బుధవారం ఉదయం 8 గంటలకు తుదిశ్వాస విడిచారు.

పవన్​ కల్యాణ్ 'ఖుషీ', '7జీ బృందావన్ కాలనీ', 'ఆడవారి మాటలకు అర్థాలే వేరులే' చిత్రాలకు భాస్కర్ ఎడిటర్​గా పనిచేశారు. ఆయన కుమారుడు కోలా బాలకృష్ణను హీరోగా పరిచయం చేస్తూ 'నన్ను వదలి నీవు పోలేవులే' పేరుతో తెలుగు, తమిళంలో ఓ సినిమా కూడా తీశారు.