వారిద్దరి నుంచి ఎంతో నేర్చుకున్నా: పూజా కుమార్​

హీరోయిన్ పూజా కుమార్.. రజనీకాంత్, కమల్​హాసన్​లతో దిగిన ఓ ఫొటోను ఇన్​స్టాలో పంచుకుంది. వారి నుంచి ఎన్నో విషయాలు నేర్చుకున్నానని రాసుకొచ్చింది.

ప్రముఖ నటి పూజా కుమార్‌.. ఈ మధ్య నెట్టింట బాగా హల్​చల్​ చేసింది. కోలీవుడ్​ హీరో కమల్ హాసన్ ఇటీవలే 65వ పుట్టినరోజు వేడుకలను సొంత ఊరు పరమకుడిలో జరుపుకొన్నారు. ఆ సందర్భంగా కమల్‌ కుటుంబంతో పాటు పూజా ఉండటమే ఇందుకు కారణం.

కమల్‌తో 'విశ్వరూపం', 'ఉత్తమ విలన్', 'విశ్వరూపం 2'లో నటించింది ​పూజా. తాజాగా సూపర్​స్టార్ రజనీకాంత్‌, కమల్‌ హాసన్​లతో కలిసి దిగిన ఫొటోను ఈమె తన ఇన్‌స్టాగ్రామ్‌లో పంచుకుంది.

"నేను గొప్ప అదృష్టవంతురాలిని. భారతదేశం గర్వించదగ్గ ఇద్దరు మహానుభావుల మధ్య ఉన్నాను. వారి నుంచి ఎంతో నేర్చుకున్నాను"

-ఇన్​స్టాలో పూజా కుమార్

పూజా.. తెలుగులో హీరో రాజశేఖర్‌తో కలిసి 'పీఎస్‌వీ గరుడ వేగ'లో హీరోయిన్​గా నటించింది. ప్రస్తుతం బాలీవుడ్‌లో 'ది ఇన్విజబుల్‌ మాస్‌' అనే సినిమాలో కీలక పాత్ర పోషిస్తోంది.

ఇది చదవండి: సొంత గొంతు వినిపిస్తూ మనసు దోచేస్తున్న భామలు