తమిళ సినిమా 'ముగముది'తో అరంగేట్రం చేసిన పూజాహెగ్డే.. ఆ తర్వాత కోలీవుడ్లో సినిమా చేయలేకపోయింది. దక్షిణాదిలో స్టార్ హీరోయిన్గా రాణిస్తున్న ఆమె.. దాదాపు ఎనిమిదేళ్ల తర్వాత తమిళంలోకి రీఎంట్రీ ఇచ్చేలా కనిపిస్తోంది. స్టార్ హీరో విజయ్ సరసన ఆమె నటిస్తోందని ప్రచారం సాగుతోంది. సదరు వార్తలపై ఆమె ఇటీవల స్పందించింది.
విజయ్‌తో సినిమా కోసం తాను ఎంతో ఆత్రుతగా ఎదురుచూస్తున్నానని పూజా చెప్పింది. ఒకవేళ #విజయ్65లో భాగమైతే.. అదంతా తన అదృష్టమనే అనుకుంటానని తెలిపింది. ఆయనతో స్క్రీన్‌ పంచుకోవాలని రాసిపెట్టి ఉంటే తప్పకుండా జరుగుతుందని సంతోషం వ్యక్తం చేసింది.