'పీఎం నరేంద్ర మోదీ'కి సుప్రీంలో ఊరట!

'పీఎం నరేంద్ర మోదీ' చిత్రాన్ని విడుదల చేయొద్దని దాఖలైన పిటిషన్​ను కొట్టేసింది సుప్రీం కోర్టు. ఇంకా సెన్సార్​ బోర్డు ధ్రువీకరణకే పోని చిత్రంపై వ్యాజ్యం దాఖలు చేయడమేంటని సుప్రీం... పిటిషనర్​పై ఆగ్రహం వ్యక్తం చేసింది.

ప్రధాని నరేంద్రమోదీ జీవిత చరిత్ర ఆధారంగా తెరకెక్కిన 'పీఎం నరేంద్ర మోదీ' చిత్రానికి సుప్రీం కోర్టులో స్వల్ప ఊరట లభించింది. విడుదలను నిలిపివేయాలంటూ ఓ కాంగ్రెస్ కార్యకర్త దాఖలు చేసిన పిటిషన్​ను కొట్టేసింది సుప్రీంకోర్టు.

సెన్సార్​ బోర్డు పరిశీలనకే పోని చిత్రంపై ముందస్తు వ్యాజ్యం దాఖలు చేశారని తెలిపింది కోర్టు. ఏప్రిల్​ 11న చిత్రం విడుదలైతే ఎన్నికల సంఘం నుంచి కక్షిదారు నష్ట నివారణ చర్యలు కోరవచ్చని తెలిపింది.

ఇదీ చూడండి:

తలాఖ్​: హృదయాలు గెలిచారు.. మరి ఓట్లు?