హీరోయిన్ కీర్తి సురేశ్ ప్రధాన పాత్రలో నటించిన 'పెంగ్విన్'.. తెలుగు టీజర్‌ను ముద్దుగుమ్మ సమంత నేడు విడుదల చేసింది. ఆద్యంతం ఆసక్తికర సన్నివేశాలతో దీనిని రూపొందించారు. అపహరణకు గురైన తన కుమారుడి ఆచూకీ కోసం కీర్తి సురేశ్ పడే వేదన చుట్టూ సాగే కథే ఈ చిత్రం.
'మీ అందరి కథ వెనుక.. ఓ అమ్మ కథ ఉంది. మీ ప్రయాణం మొదలైంది ఆమె నుంచే..' అని టీజర్‌లో చూపించారు. చివరిలో జోకర్‌ వేషంలో ఉన్న ఓ వ్యక్తి గొడ్డలితో ఎవర్నో నరుకుతూ కనిపించాడు. సస్పెన్స్ థ్రిల్లర్‌గా రూపొందించిన ఈ సినిమా టీజర్‌కు యూట్యూబ్‌లో మంచి స్పందన లభిస్తోంది. తమిళ టీజర్‌ను త్రిష, మలయాళ టీజర్‌ను మంజూ వారియర్‌ విడుదల చేశారు.