నాయికలను అందంగా తీర్చిదిద్దాలంటే అది దర్శకుడు కె.రాఘవేంద్రరావుకే(Director Raghavendrarao) చెల్లిందని చెప్పాలి. తన మాయాజాలంతో హీరోయిన్స్ను అందాల రాణుల్లా ప్రేక్షకుల గుండెల్లో చెదరని ముద్ర వేసేలా చేస్తారాయన. చాలా కాలం తర్వాత మళ్లీ ఆయన తన మాయాజాలాన్ని తెరపై ప్రదర్శించనున్నారు. ప్రస్తుతం ఆయన 'పెళ్లిసంద..డి' చిత్రానికి దర్శకత్వ పర్యవేక్షణ చేస్తున్నారు. ఈ చిత్రంలో శ్రీకాంత్ తనయుడు రోషన్, శ్రీలీల హీరోహీరోయిన్లుగా నటిస్తున్నారు.
జూన్ 14(సోమవారం) శ్రీలీల పుట్టినరోజు సందర్భంగా.. ఆమెకు శుభాకాంక్షలు తెలియజేస్తూ ఓ ప్రత్యేక వీడియోను విడుదల చేసింది చిత్రబృందం. ఇందులో ఆమెను దివి నుంచి భువికి దిగి వస్తున్న దేవకన్యలా చూపించారు రాఘవేంద్రరావు. ఈ వీడియోలో ఆమె అందం అభిమానులను మైమరిపించేలా ఉంది. దీన్ని మీరూ చూసేయండి..
'పెళ్లి సంద..డి'