టాలీవుడ్ హీరోయిన్లు రాశీ ఖన్నా, పాయల్ రాజ్‌పుత్‌లకు ఈ డిసెంబరు మరపురానిదిగా మిగిలిపోనుంది. ఎందుకంటే ఈ ఇద్దరు భామలు నటించిన సినిమాలు బ్యాక్టు బ్యాక్గా ప్రేక్షకుల ముందుకు రానున్నాయి. మరి ఏ మేరకు అలరిస్తారో తెలియాలంటే మరికొద్ది రోజులు ఆగాల్సిందే.
రాశీఖన్నా.. పాయల్.. డబుల్‌ బొనాంజా - ప్రతిరోజూ పండగే ట్రైలర్
హీరోయిన్లు పాయల్ రాజ్పుత్, రాశీఖన్నా.. ఈనెలలో రెండేసి చిత్రాలతో ప్రేక్షకుల ముందుకు రానున్నారు. మరి వీరిద్దరిలో ఎవరు పైచేయి సాధిస్తారో చూడాలి.
వెంకీమామ పోస్టర్
రానున్న రెండు వారాలు వరుసగా తెరపై సందడి చేయనుంది కథానాయిక రాశీఖన్నా. ఈమె నటించిన వెంకటేశ్-నాగచైతన్య మల్టీస్టారర్ 'వెంకీమామ' ఈనెల 13న, సాయిధరమ్ తేజ్ 'ప్రతిరోజూ పండగే' 20న రానున్నాయి. ఈ చిత్రాలపై ప్రేక్షకుల్లో భారీ అంచనాలు ఉండటం విశేషం.
పాయల్ రాజ్పుత్.. ఈనెలలో రెండు సినిమాలతో ప్రేక్షకులను మెప్పించేందుకు సిద్ధమవుతోంది. వీటిలో ఒకటి 'వెంకీమామ'.. మరొకటి రవితేజ 'డిస్కోరాజా'. గురవారం పాయల్ పుట్టినరోజు సందర్భంగా కొత్త పోస్టర్లను విడుదల చేశాయి చిత్రబృందాలు. ఇటీవలే 'ఆర్డీఎక్స్‌ లవ్‌'తో దారుణ ఫలితాన్ని అందుకున్న పాయల్.. ఈ రెండు సినిమాలపై భారీ అంచనాలే పెట్టుకుంది.