పవర్స్టార్ పవన్కల్యాణ్ పుట్టినరోజును పురస్కరించుకొని ఆయన సినిమా నుంచి మరో సర్ప్రైజ్ వచ్చింది. 'గబ్బర్సింగ్' తర్వాత పవన్, దర్శకుడు హరీశ్ శంకర్ కాంబినేషన్లో పవన్ 28వ చిత్రం రూపొందుతోంది. తాజాగా దీనికి సంబంధించిన ఫస్ట్లుక్ను విడుదల చేసింది చిత్రబృందం. ఇందులో ఇండియా గేట్ ఎదురుగా ఓ బైక్పై పెద్ద బాలశిక్ష పుస్తకం ఉంది. సర్దార్ వల్లభాయ్ పటేల్, సుభాష్ చంద్రబోస్ ఫొటోలను పోస్టర్లో చూపించారు. ఈ సినిమాను మైత్రీ మూవీ మేకర్స్ సంస్థ నిర్మిస్తోంది.
ఇప్పటికే విడుదలైన.. పవన్-క్రిష్ జాగర్లమూడి కాంబో చిత్రానికి సంబంధించిన ఫస్ట్లుక్ అభిమానులను విపరీతంగా ఆక్టటుకుంటోంది. ఇందులో చేతికి కడియం, ఉంగరాలు పెట్టుకుని అదరగొట్టాడు పవర్స్టార్. దీంతోపాటు రిలీజ్ అయిన ఆయన మరో సినిమా 'వకీల్సాబ్' మోషన్ పోస్టర్ కూడా సోషల్మీడియాలో దుమ్ములేపుతోంది.