నాలుగోసారి పవన్​ కల్యాణ్​తో త్రివిక్రమ్​!​

తన స్నేహితుడు, ప్రముఖ దర్శకుడు త్రివిక్రమ్​తో మరోసారి కలిసి పనిచేసేందుకు సిద్ధమవుతున్నాడు హీరో పవన్​కల్యాణ్. ఈ విషయమై సోషల్​ మీడియాలో జోరుగా చర్చ సాగుతోంది.

పవర్​స్టార్​ పవన్​కల్యాణ్.. దాదాపు రెండేళ్ల విరామం తర్వాత సినిమాల్లోకి ఇటీవలే రీఎంట్రీ ఇచ్చాడు. ఇప్పటికే మూడు చిత్రాల్ని ఒప్పుకొని, రెండింటికి సంబంధించిన చిత్రీకరణల్లో పాల్గొంటున్నాడు. తాజాగా మరో దర్శకుడు పేరు తెరపైకి వచ్చింది. అతడే మాటల మాంత్రికుడు త్రివిక్రమ్. ఇతడు పవన్​ కోసం ఓ కథ రాస్తున్నాడని సమాచారం. జూ.ఎన్టీఆర్​తో సినిమా పూర్తయిన తర్వాత ఇది సెట్స్​పైకి వెళ్లనుందని టాక్.

వీరిద్దరి కాంబినేషన్​లో గతంలో 'జల్సా', 'అత్తారింటికి దారేది', 'అజ్ఞాతవాసి' సినిమాలు వచ్చాయి. ఇప్పుడు రాబోతున్న చిత్రం కోసం పవర్​ఫుల్ కథను తయారు చేస్తున్నాడట త్రివిక్రమ్. ఈ విషయంపై స్పష్టత రావాలంటే కొన్నిరోజుల ఆగక తప్పదు.

ఇదీ చూడండి.. ఐటీ దాడుల విషయంపై స్పందించిన హీరోయిన్ రష్మిక