'వకీల్​సాబ్​' సెట్​లోకి పవన్​ ఎంట్రీ​

చాలా నెలల తర్వాత 'వకీల్​సాబ్' సెట్​లో పవన్​ తిరిగి అడుగుపెట్టారు. ఆయనపై కీలక సన్నివేశాల్ని దర్శకుడు వేణు శ్రీరామ్ తీశారు. సంక్రాంతికి సినిమా ప్రేక్షకుల ముందుకు వచ్చే అవకాశముంది.

పవర్​స్టార్​ పవన్​కల్యాణ్ 'వకీల్ సాబ్' చిత్రీకరణ మళ్లీ మొదలైంది. కరోనా కారణంగా నిలిచిపోయిన షూటింగ్.. దాదాపు ఏడు నెలల తర్వాత ఇటీవలే పునఃప్రారంభించారు. హైదరాబాద్ సరూర్​నగర్​లోని విక్టోరియా మెమోరియల్ పాఠశాలలో ఏర్పాటు చేసిన న్యాయస్థానం సెట్​లో దర్శకుడు వేణుశ్రీరామ్ పవన్​పై కీలక సన్నివేశాలు తీశారు.

అన్యాయానికి గురైన బస్తీ వాసులకు అండగా పోరాడేందుకు సిద్ధమంటూ భరోసా ఇచ్చే సన్నివేశాలను పవన్​పై చిత్రీకరించారు. 'వకీల్ సాబ్' కోర్టుకు వెళ్లే సన్నివేశంలో కథానాయికలు అంజలి, నివేదా థామస్, అనన్యలు పాల్గొన్నారు. అమితాబ్ 'పింక్' చిత్రానికి రీమేక్​ ఈ సినిమా. తమన్ సంగీత దర్శకడు. దిల్ రాజు నిర్మిస్తున్నారు. వచ్చే ఏడాది సంక్రాంతి కానుకగా ప్రేక్షకుల ముందుకు వచ్చే అవకాశముంది.