పవర్స్టార్ పవన్ కల్యాణ్, సూపర్స్టార్ మహేశ్బాబు.. ఒకేసారి కెమెరా ముందుకు అడుగుపెట్టారు. వాళ్ల కొత్త సినిమాల షూటింగ్లు సోమవారం వేర్వేరుగా ప్రారంభమయ్యాయి. ఈ విషయాన్ని చిత్రయూనిట్లు సోషల్ మీడియా వేదికగా పంచుకున్నాయి.
'సర్కారు వారి పాట' షురూ
బ్యాంక్ల ఎగవేత నేపథ్య కథతో తీస్తున్న 'సర్కారు వారి పాట' షూటింగ్ దుబాయ్లో మొదలైంది. ఇటీవల మహేశ్బాబు కుటుంబంతో సహా అక్కడికి చేరుకున్నారు. హీరోయిన్ కీర్తి సురేశ్ కూడా దుబాయ్ వెళ్తున్న ఫొటోను ఈ మధ్యే ఇన్స్టాలో పోస్ట్ చేసింది. ఈ చిత్రానికి తమన్ సంగీతమందిస్తుండగా, పరశురామ్ దర్శకుడు. మైత్రీ మూవీ మేకర్స్ నిర్మిస్తోంది.
రానాతో పవన్.. రచ్చ మొదలు
'అయ్యప్పునుమ్ కోషియమ్' రీమేక్ షూటింగ్ కూడా సోమవారమే ప్రారంభమైంది. ఈ విషయాన్ని అధికారికంగా వెల్లడించారు. ఇందులో పవన్తో పాటు రానా ప్రధాన పాత్రలో నటిస్తున్నారు. త్రివిక్రమ్, స్క్రీన్ప్లేతో పాటు మాటల్ని అందిస్తున్నారు. సాగర్ కె చంద్ర దర్శకత్వం వహిస్తున్నారు. సితార ఎంటర్టైన్మెంట్స్ నిర్మిస్తోంది.
'అయ్యప్పనుమ్ కోషియమ్' రీమేక్ ప్రారంభోత్సవంలో పవన్ కల్యాణ్ (పాత ఫొటో)
'ఆర్ఆర్ఆర్' నుంచి అనౌన్స్మెంట్
'ఆర్ఆర్ఆర్' నుంచి సోమవారం మధ్యాహ్నం 2 గంటలకు అనౌన్స్మెంట్ రానుంది. విడుదల తేదీనే చెబుతారంటూ నెటిజన్లు కామెంట్లు చేస్తున్నారు. మరి ఏం ప్రకటన వస్తుందో చూడాలి.
