బాబాయ్​-అబ్బాయ్​లతో శంకర్​ భారీ మల్టీస్టారర్​!

టాలీవుడ్​లో భారీ మల్టీస్టారర్​ చిత్రానికి సన్నాహాలు జరుగుతున్నాయని తెలుస్తోంది. కోలీవుడ్​ దర్శకుడు శంకర్​ దీనికి దర్శకత్వం వహించనున్నరని సమాచారం. ఇందులో రామ్​చరణ్​, పవన్​ కల్యాణ్​ కలిసి నటించనున్నారని టాలీవుడ్​లో ప్రచారం జరుగుతోంది.

ప్రముఖ తమిళ దర్శకుడు శంకర్​.. టాలీవుడ్​లో భారీ మల్టీస్టారర్​ చిత్రాన్ని ప్లాన్​ చేశారట. మెగా పవర్​స్టార్​ రామ్‌చరణ్‌ హీరోగా ఈ చిత్రాన్ని రూపొందించేందుకు ప్రయత్నాలు మొదలుపెట్టారని సమాచారం. ఇందులో పవర్​స్టార్​ పవన్​కల్యాణ్​ కీలకపాత్రకు ఎంపిక చేయనున్నారని ప్రచారం జరుగుతోంది. అయితే ఇప్పటికే ఈ కథను బాబాయ్​-అబ్బాయ్​లకు వినిపించినట్లు టాలీవుడ్​ వర్గాలు అంటున్నాయి.

దర్శకుడు శంకర్​.. ఈ సారి గ్రాఫిక్స్​ను పక్కనపెట్టి సోషల్​ డ్రామా నేపథ్యంలో చెర్రీ-పవన్​లతో ఈ భారీ మల్టీస్టారర్​ రూపొందిస్తున్నారని సమాచారం. అన్నీ అనుకున్నట్లు జరిగితే వచ్చే ఏడాది ప్రాజెక్టును పట్టాలెక్కించనున్నారని తెలుస్తోంది. ఇందులో నిజమెంతో తెలియాలంటే కొన్ని రోజులు వేచి చూడాల్సిందే. రామ్​చరణ్​ ప్రస్తుతం 'ఆర్​ఆర్​ఆర్​' చిత్రీకరణలో బిజీగా ఉండగా.. పవన్​ రెండు కొత్త సినిమాల్లో నటిస్తున్నారు. మరోవైపు దర్శకుడు శంకర్​ 'భారతీయుడు 2' రూపొందించే పనిలో ఉన్నారు.

ఇదీ చూడండి:ప్రభాస్​ 'ఆదిపురుష్'​ షూటింగ్​ షురూ