'గీత గోవిందం'తో రూ.వంద కోట్ల విజయాన్ని అందుకున్న దర్శకుడు పరశురామ్. ఆ సినిమా విడుదలై ఏడాది దాటేసినా ఈ డైరక్టర్ నుంచి కొత్త కబుర్లేం వినిపించలేదు. అయితే ఇప్పుడు ఒకేసారి ఇద్దరు హీరోలకు కథలు చెప్పేశాడట. వారిలో ప్రభాస్, నాగచైతన్య ఉన్నారు.
పరశురామ్ చెప్పిన కథ నాగచైతన్యకు బాగా నచ్చిందట. ప్రభాస్ కూడా ఈ దర్శకుడితో సినిమా చేయడానికి సన్నద్ధంగానే ఉన్నాడని తెలుస్తోంది. అయితే ముందుగా చైతూ సినిమానే పట్టాలెక్కే అవకాశం ఉంది. ప్రస్తుతం నాగచైతన్య 'వెంకీ మామ'తో పాటు శేఖర్‌ కమ్ముల చిత్రంలోనూ నటిస్తున్నాడు. వీటి తరవాతే పరశురామ్‌తో సినిమా చేయనున్నాడు.